POP 5

Lajmet më të lexuara të 5 minutave të fundit

Ekonomi

Inflacioni dhe kursi i këmbimit, rrezik për buxhetin e 2024-ës! Rënia e euros dhe dollarit redukton hyrjet nga importi

Ulja e inflacionit poshtë shifrës 3% në vitin 2024 si dhe zhvlerësimi i euros dhe dollarit janë rreziqet kryesore që i kanosen buxhetit të shtetit. Në relacionin e projektbuxhetit për vitin që vjen Ministria e Financave thotë se ulja e inflacionit përtej objektivit do të reduktonte të ardhurat në buxhet, ndërsa zhvlerësimi i euros e dollarit do ulte të ardhurat nga TVSH-ja në import

Rreth 6.6 miliardë euro pritet të mblidhen vitin e ardhshëm nga tatimet dhe taksat, nga rreth 6.3 miliardë euro që është plani për këtë vit.

Mirëpo ky objektiv i vënë në projektbuxhet, rrezikohet nga dy faktorë kryesorë, inflacioni dhe zhvlerësimi i monedhave kryesore të huaja, euroja dhe dollari. Inflacioni që për konsumatorët është një barrë e rëndë për shkak se duhet të paguajnë më shumë për produktet që konsumojnë pasi janë shtrenjtuar, për arkën e shtetit gjeneron më shumë para.

Në relacionin e projektbuxhetit thuhet se një ulje më e fortë e inflacionit nga ajo që është planifikuar për një nivel prej 3%, do të cenonte realizimin e të ardhurave kryesisht të atyre nga TVSH-ja e Akciza, që parashikohen në 274,8 miliardë lekë.

Në projeksionet për tatimet indirekte për të cilat zbatohen tarifa ad valorem janë parashikuar të ardhurat shtesë nga rritja e indeksit të cmimeve për 3%. Nëse niveli i projektuar do rezultojë më i ulët, nuk do realizohen të ardhura shtesë në nivelin e projektuar.'- thuhet në relacion.

Po ashtu mbiçmimi i lekut përkundrejt monedhave Euro e Dollar do të rrezikojë më shumë të hyrat buxhetore, pasi do të ulte TVSH-në në import.

“Ulja e kursit të këmbimit të monedhave Euro apo USD tej nivelit të parashikuar, do impaktojë TVSH në mbi importet e mallrave për shkak të uljes së vlerës së mallrave”, thuhet në relacion.

Zhvlerësimi i monedhave të huaja është skenar më i rrezikshëm për shkak edhe të rritjes së normës bazë të interesit nga Banka e Shqipërisë për të mbajtur nën kontroll inflacionin. Ky vendim i bankës shtrenjton më shumë lekun, e për pasojë nënvlerëson Euron e Dollarin. Ndërkohë përsa i përket inflacionit, në asnjë nga parashikimet e deritanishme nuk flitet për rënie të inflacionit poshtë shifrës 3% në vitin 2024.

Tjetër rrezik i të ardhurave i evidentuar në relacion është edhe rritja ekonomike, nëse nuk arrin në shifrën e parashikuar prej 3.8%, pasi reduktimi i kësaj rritje, do të tkurrë edhe të hyrat e buxhetit të projektuar.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrani-Belgjike: 05/11/2023 11:03

    Çfarë gënjeshtre, rënia e euros dhe dollarit ska lidhje me rënien e importit, rënia e valutës është në të mirë te importuesve blejnë më lirë jashtë vendit me rënien e valutës, sepse leku është më i fortë.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu