POP 5

Lajmet më të lexuara të 5 minutave të fundit

Ekonomi

Më i shtrenjti në 20 vite/ Inflacioni në mars ishte 5.7%, muaji që kulmoi rritja e çmimeve! Në krahasim me një vit më parë ushqimet dhe pijet joalkoolike janë shtrenjtuar me 9.3 %

Nga fillimi i muajit Mars, çmimet u rritën fort jo vetëm për produktet e shportës dhe të karburantit, por aktualisht në vendin tonë është rritur çdo produkt . Sipas  INSTAT inflacioni në muajin e kaluar ishte 5.7%, ndërkohë që vetëm çmimet e ushqimeve u rritën me 9.3% krahasuar me një vit më parë

Marsi ishte muaji më i shtrenjtë për familjet shqiptare në 20 vitet e fundit. INSTAT raporton se në muajin e kaluar inflacioni arriti në 5.7% duke dëshmuar për një rritje të fortë të çmimeve të produkteve dhe shërbimeve, edhe si pasojë nga lufta në Ukrainë.

Rritja e çmimeve është ndikuar më shumë nga shtrenjtimi i karburantit, ushqimeve dhe pijeve alkoolike e duhanit. Vetëm produktet e shportës sipas INSTAT janë shtrenjtuar me 9.3% në raport me vitin e kaluar, duke regjistruar nivelin më të lartë historik.

Ashtu siç edhe pritej rritja më e lartë e çmimeve është vrenjtur tek vaji dhe yndyra me 22.4%.

Shtrenjtimi i vajit u vu re menjëherë pas shpërthimit të luftës në Ukrainë, ku nëpër markete një 1 litër vaj arriti deri në 400 lekë. Kjo për shkak se 80% e furnizimit të Shqipërisë me këtë produkt garantohet nga Rusia e Ukraina.

Me 15.8% u shtrenjtua edhe buka e drithërat në mars, kjo si pasojë e rritjes së kostove të importit. Më pas sipas INSTAT janë rritur çmimet zarzavateve me 10,5%, të qumështit, djathit dhe vezëve me 10,3%, të sheqerit, reçelit, mjaltit, çokollata dhe ëmbëlsira u shtrenjtuan me 10,2 % dhe çmimi i mishit u rrit me 7,1 %.

Ky shtrenjtim i produkteve të shportës ka rritur menjëherë kostot e jetesës të qytetarëve, të cilët përpara krizës së çmimeve harxhonin 42% të buxhetit të tyre për ushqime. Ndërkohë sa i takon karburantit, në krahasim me marsin e 2021, është shtrenjtuar me 19.9%.

Rritja galopante e çmimeve bëri që qeveria të ngre dy borde atë të karburantit dhe të produkteve të shportës për të caktuar çmimet dhe marzhet e fitimit me qëllim shmangien e abuzimit nga tregtarët.

(Klikoni këtu për të lexuar dokumentin)

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit në futbollin shqiptar, Xhesika Ndoj shpallet 'Talentja e Vitit' 2024 për vajza

Më të mirët e vitit në futbollin shqiptar, Xhesika Ndoj shpallet 'Talentja e Vitit' 2024 për vajza

27 Janar, 20:46