Instalacioni në fasadën e Muzeut Kombëtar, i cili kishte si synim ndërgjegjësimin ndaj grave që përballen me kancerin e gjirit, tashmë është pjesë e Arkivit Qendror Shtetëror të Filmit. Mozaiku i “Shqipes” nga Blerta Kambo u vendos në pjesën lindore të godinës, sipas njoftimit zyrtar.

“Tashmë "Shqipja" siç i thërrasim ne ose "Dielli i ditës tjetër" i rikrijuar nga artistja Blerta Kambo dhe i mbështetur nga Ministria e Turizmit, Kulturës dhe Sporteve, do të qëndrojë në pjesën lindore të Arkivit Qendror Shtetëror të Filmit. Faleminderit Blerta Kambo që kujtesës arkivale shqiptare i shtove gjendjen tënde muzeale!

Një mozaik që nuk rri në mur, por të rri përballë.

Të shikon drejt e në sy, pa zë, dhe të pyet gjëra që i ke shmangur gjithë ditën.

Copëza të vogla, të thyera, ngjyra që rrisin emocionet si ne.

Dhe prapë, kur bashkohen, bëhen figurë. Bëhen kujtesë.

Ky mozaik flet për dhimbjen dhe artin!

Flet për durimin dhe gruan. Për kohën. Për njeriun që thyhet dhe ndërtohet copë copë derisa më në fund guxon të qëndrojë drejt”, thotë postimi.

Kujtojmë që instalacioni ndezi një debat të gjerë publik, pasi disa thoshin se figura e gruas paraqitej si transgjinor apo se cenonte Muzeun. Në të vërtetë, vetë artistja sqaroi për Report TV se instalacioni ndodhej 10 cm larg fasadës origjinale dhe në pjesën e pasme gjendej një shtresë mbrojtëse.

 

 

P.J/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera