Konsumatorët shqiptarë shpenzuan shumë për t’u furnizuar me ushqime gjatë vitit të kaluar, pasi pothuajse të gjitha produktet u shtrenjtuan ndjeshëm.
Një kilogramë zarzavate ku përfshihen edhe patatet, u kushtoi qytetarëve mesatarisht 18% më shumë se në vitin 2022. Shtrenjtimit nuk i shpëtoi asnjë produkt i shportës. Në raportin e fundit të publikuar nga INSTAT, mbi indeksin e çmimeve, vërehet se inflacioni u rrit në muajin e fundit të vitit ndikuar kryesisht nga çmimet e ushqimeve dhe argëtimi.
Inflacioni në muajin dhjetor ishte 4%, nga 3.9% që ishte në muajin nëntor, dhe ndryshe nga vendet e BE-së, ku çmimet janë në rënie, në Shqipëri po ndodh e kundërta.
Në muajin e Krishtlindjeve dhe të ndërrimit të viteve, ushqimet u shtrenjtuan me 6.7%, ku brenda këtij grupi “zarzavate përfshirë patatet” u shtrenjtuan me 20,8 %, pasuar nga “fruta” me 10,9 %, “qumësht dhe vezë” me 6,7 %, “mish” me 5,5 %, “sheqer, mjaltë, çokollata dhe ëmbëlsira” me 2,7 %, apo “peshku” me 2,4 %.
Pas ushqimeve, në dhjetor argëtimi ka kushtuar 5,4% më shumë, ndjekur nga mobilimi i shtëpisë me rritje 4.6%, apo hotelet, restorantet, kafenetë, pijet alkoolike e duhani që u shtrenjtuan me 4.4%. të gjitha grupet e mallrave janë në rritje me përjashtim të transportit që është në ulje me 3,3 %, ndikuar nga rënia e çmimit të karburantit në ditët e fundit të dhjetorit.
Ndërkohë inflacioni mesatar për gjithë vitin 2023 është 4.7%, rreth 1.7% më i lartë se objektivi i Bankës së Shqipërisë, e cila synon që brenda këtij viti ai të zbresë në 3%. Kurse në krahasim me inflacionin e vitit 2022, ka rënie me rreth 2%, pasi në kulmin e krizës, çmimet u rritën mesatarisht me 6.7%.
(Kliko këtu për të lexuar dokumentin e plotë)
Lajme të tjera
-
Norma bazë e interesit u ul, BSH: Kreditë do jenë më të lira
12 Nëntor, 17:14
-
Deputetja e PD-së, Jorida Tabaku: Tre arsyet pse produktet ushqimore në Shqipëri janë më të shtrenjta krahasuar me vendet e BE-së
10 Nëntor, 13:00 -
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Banka e Shqipërisë lehtëson politikën monetare, ul normën bazë të interesit me 0.25%! Sjell norma më të ulëta të kredive
6 Nëntor, 16:12
-
Inflacioni po bie më shpejt se pritej, Sejko: Shqipëria e ka rikuperuar plotësisht goditjen e rritjes së çmimeve
16 Tetor, 15:53 -
Inflacioni ra në 1.9% në shtator, niveli më i ulët prej 2021! Por ushqimet vetëm shtrenjtohen
8 Tetor, 19:38
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
S’ulet norma bazë e interesit! Rritja e pagave për të mbajtur stafin në rrezik për inflacionin, Sejko për mikrokreditë: Kemi zbatuar ligjin
7 Gusht, 17:04
-
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24 -
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike
10 Qershor, 14:57
-
Inflacioni i qëndrueshëm, por më i ulët se në vendet e BE! Shtrenjtohet argëtimi e shërbimi arsimor
17 Maj, 16:27
