POP 5

Lajmet më të lexuara të 5 minutave të fundit

Arkiva

Integrimi i komunitetit rom, MZHU takime në Bashkinë Lushnje dhe komunën Otllak

TIRANË, 1 Prill /ATSH/ -Në kuadër të implementimit të fazës së tretë të projektit-pilot “Ndërgjegjësimi dhe integrimi social nëpërmjet procesit të legalizimit dhe urbanizimit të objekteve/zonave informale, të komunitetit rom të zonave informale” , specialistë të Drejtorisë së Ndërtimeve Informale, Legalizimit, Urbanizimit dhe Integrimit në Ministrinë e Zhvillimit Urban, zhvilluan takime pranë disa njësive të […]
Në kuadër të implementimit të fazës së tretë të projektit-pilot "Ndërgjegjësimi dhe integrimi social nëpërmjet procesit të legalizimit dhe urbanizimit të objekteve/zonave informale, të komunitetit rom të zonave informale" , specialistë të Drejtorisë së Ndërtimeve Informale, Legalizimit, Urbanizimit dhe Integrimit në Ministrinë e Zhvillimit Urban, zhvilluan takime pranë disa njësive të qeverisjes vendore, konkretisht në Bashkinë Lushnje dhe komunën Otllak, të Bashkisë Berat.
Ky takim lidhej ngushtë me procesin e ndërmarrë nga njësitë e qeverisjes vendore, mbi rishikimin e planeve të tyre në kuadër të Reformës Territoriale dhe përfshirjes e formalizimit të zonave informale që kanë në administrim.
Në këtë takim morën pjesë specialistë të zhvillimit urban në Zyrat e Urbanistikës pranë njësive të qeverisjes vendore si dhe ekspertë të UNDP, i cili ka mbështetur këtë projekt në të gjitha fazat e tij.
Takimi u fokusua në bashkëpunimin mes institucioneve dhe qytetarëve të zonave informale si pjesë e pandarë e procesit të integrimi dhe urbanizimit.
U diskutua gjithashtu mbi vlerësimin e nevojave infrastrukturore që qytetarët e këtyre zonave kanë dhe përshtatjen e tyre në përputhje me dokumentin e Planit të Përgjithshëm Vendor.
Takime të tjera do të mbahen në të ardhmen, me qëllim konkretizimin dhe implementimin e këtij projekti që synon të përmirësoje dhe rrisë cilësinë e jetës së banorëve të zonave informale dhe mbi të gjitha integrimin e tyre social-ekonomik. /atsh/

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Të shtëna me armë zjarri në Lushnje, dyshohet një viktimë

30 Mars, 17:45