BRUKSEL- Shqipëria përparon më tej në rrugën drejt integrimit europian. BE ka miratuar Pozicionin e Përbashkët për Klasterin 6, i cili përfshin Marrëdhëniet e Jashtme, duke i hapur rrugën zhvillimit të Konferencës së Tretë Ndërqeveritare me Shqipërinë. Takimi në nivel ministrot do të mbahet më 17 dhjetor 2024 dhe përfaqëson një hap të rëndësishëm drejt integrimit të vendit tonë në BE.
"Ambasadorët e vendeve anëtare të BE-së kanë miratuar Pozicionin e Përbashkët të BE-së për Klasterin 6: Marrëdhëniet e Jashtme, duke hapur rrugën për mbajtjen e konferencës së tretë ndërqeveritare me Shqipërinë më 17 dhjetor. Kjo konferencë, e dyta gjatë presidencës hungareze, pasqyron angazhimin e BE-së për të përshpejtuar procesin e anëtarësimit për vendet kandidate", thuhet në reagimin e Presidencës hungareze të BE.
Takimi do të shërbejë për hapjen e negociatave me Shqipërinë për Klasterin 6: Marrëdhëniet e jashtme, duke përfshirë kapitujt e mëposhtëm negociues:
-Kapitulli 30 – Marrëdhëniet e jashtme
-Kapitulli 31 – Politika e jashtme, e sigurisë dhe e mbrojtjes
Moment historik e quan ambasadori i Shqipërisë në BE, Ferit Hoxha.
"Nga fjalët në vepra! Një tjetër moment historik në rrugën tonë të integrimit në BE. Takimi i Tretë i Konferencës së Aderimit do të zhvillohet më 17 dhjetor 2024, duke hapur negociatat për kapitujt 30 dhe 31. Faleminderit Presidencës hungareze të BE dhe të gjitha shtetet anëtare të BE-së për mbështetjen dhe besimin", shkruan Ferit Hoxha.
Ky vendim vjen pas hapjes së kapitullit të "Themelorëve", që përfshin reformat kyçe në drejtësi, sundimin e ligjit, të drejtat themelore dhe funksionimin e institucioneve demokratike. Zhvillimi i Konferencës Ndërqeveritare në 17 dhjetor pritet të shënojë një moment vendimtar për ecurinë e procesit të anëtarësimit të Shqipërisë.
Në 15 tetor 2024 Shqipëria çeli zyrtarisht negociatat për kapitujt e parë me Bashkimin Evropian. Konferenca e ardhshme Ndërqeveritare është e dyta që zhvillohet gjatë presidencës hungareze.
Lajme të tjera
-
'87 milionë euro nga BE nëse plotësojmë detyrat e 2025!' Manja: Mbyllim kapitujt në 2028! Procesi më tej politik
13 Dhjetor, 15:35
-
796 arrestime në aksion masiv të BE-së kundër krimit të organizuar, Europol: 442 armë të sekuestruara! Mes grupit edhe shqiptarë
13 Dhjetor, 13:50 -
'Transparent Albania', Rama: Platforma, urë lidhëse mes qeverisë dhe qytetarit! Do shërbejë edhe kundër të pavërtetave dhe dezinformimit
13 Dhjetor, 12:10 -
'S’jam politikan i salloneve dhe biskotave', Ali Ahmeti: Nuk lejoj të preket ligji për gjuhën shqipe
13 Dhjetor, 10:34 -
Akademikë nga Shqipëria e Kosova promovojnë librin 'Gjenocidi serb kundër shqiptarëve'
13 Dhjetor, 10:20 -
Agjencia Shqiptare e Investimeve dhe Zhvillimit fton investitorët e huaj: Zgjidhni Shqipërinë! Një vend ku takohen kulturat dhe tregjet
13 Dhjetor, 10:14 -
Biseda/ Angela Merkel dhe Mario Draghi, çfarë i bën të mëdhenj këta dy europianë?
13 Dhjetor, 07:44
-
Erdogan takon Orban: Bashkëpunim me BE-në për të rindërtuar Sirinë
12 Dhjetor, 19:56 -
REL: BE-ja do t’i kërkojë Kosovës që të fillojë pa vonesa themelimin e Asociacionit të Komunave me Shumicë Serbe
12 Dhjetor, 19:35 -
40 mijë trupa të NATO-s në Ukrainë, zbulohet plani francez dhe polak për luftën
12 Dhjetor, 17:15 -
Hungaria mbyll mandatin 6-mujor të Presidencës së Bashkimit Europian, Veliaj: BE po rritet më e fortë
12 Dhjetor, 16:06 -
Frrok Çupi: S’kemi edhe aq të drejtë për mburrje nacionale
12 Dhjetor, 15:37
