Kryetarja e Këshillit të Integrimit, Jorida Tabaku kërkoi që procesi i Shqipërisë në rrugën drejt integrimit europian të bëhet përmes një diskutim kombëtar si dhe të ndërmerren më shumë reforma në dobi të qytetarëve.
“Kjo çështje i bashkon të gjitha palët. Sot duhet të jepnim një mesazh se ky proces nuk është i vetëm i qeverisë, pasi s’ka një pronar, por në këtë proces duhet të përfshihet edhe opozita, për të dhënë mendimin, opinionin, qoftë edhe të gabuar, por duhet ta japi mendimin e saj për procesin e integrimit.’- tha Tabaku.
Por për nënkryetarin e këshillit të integrimit, Toni Gogu, progresi drejt integrimit është i prekshëm, siç është produkti i reformës në drejtësi.
“Drejtësia europiane natyrisht që po fillon të ndihet jo vetëm në sallat e gjyqeve por edhe në jetën e përditshme të çdo qytetari shqiptar. Jemi të padurueshëm që ta shohim të jetë një realitet edhe më i prekshëm, edhe më shpresëdhënës, por është i pamohueshëm progresi që Shqipëria ka bërë në shëmbëllimin e drejtësisë europiane në mesin tonë“, vuri në dukje Gogu.
Nënkryetari i Këshillit të Integrimit, deputeti i PS-së, Toni Gogu deklaroi sot se Shqipëria ka bërë progres në rrugën drejt integrimit në Bashkimin Europian dhe se marrëveshja e arritur midis Presidencës së Këshillit Europian dhe Parlamentit Europian për Planin e Rritjes është dëshmia më e madhe e këtij progresi.
“Ku ka dëshmi më të madhe se marrëveshja e arritur midis Presidencës së Këshillit Europian dhe Parlamentit Europian për Planin e Rritjes, si shtegu i vetëm, jo vetëm i integrimit rajonal në një treg të vetëm, por edhe udhërrëfyes drejt aksesit të zgjeruar të BE-së. Tashmë ka një plan konkret me data, burime financiare e njerëzore, ku padyshim është përgjigje e përpjekjeve konkrete të Shqipërisë dhe vendeve të Ballkanit Perëndimor për të cilat ne jemi mirënjohës dhe krenarë“, tha Gogu në fjalën e tij në seancën plenare të Kuvendit ku po diskutohet raporti i Këshillit Kombëtar të Integrimit.
Sipas Gogut, progresi në Reformën gjithëpërfshirëse të Drejtësisë në Shqipëri është i pakthyeshëm.
“Drejtësia europiane natyrisht që po fillon të ndihet jo vetëm në sallat e gjyqeve por edhe në jetën e përditshme të çdo qytetari shqiptar. Jemi të padurueshëm që ta shohim të jetë një realitet edhe më i prekshëm, edhe më shpresëdhënës, por është i pamohueshëm progresi që Shqipëria ka bërë në shëmbëllimin e drejtësisë europiane në mesin tonë“, vuri në dukje Gogu.
Ai u ndal dhe në angazhimin proaktiv të Shqipërisë dhe nismat e bashkëpunimit europian, ku theksoi rolin e padiskutueshëm të Shqipërisë në procesin e Berlinit.
Sipas tij, njehsimi i politikës sonë të jashtme asaj të sigurisë me Bashkimin Europian janë dëshmia më e mirë e konfirmimit të Shqipërisë si partner i besueshëm drejt integrimit rajonal në Bashkimin Europian.
Nga ana tjetër Gogu tha se opozita nuk mund të kërkojë në Parlament ngritjen e komisioneve hetimore që pengojnë drejtësinë.
Deputetja e Partisë Demokratike, njëherazi kryetare e Këshillit të Integrimit Jorida Tabaku, nga foltorja e Kuvendit, i bëri thirrje mazhorancës që t’i japi më shumë hapësirë opozitës dhe shoqërisë civile sa i takon procesit të integrimit evropian. Sipas saj, për këtë proces duhet një diskutim kombëtar.
Tabaku, gjatë diskutimeve në Kuvend mbi raportin e Këshillit Kombëtar të Integrimit, tha se procesi i integrimit nuk është çështje e një partie apo qeverie, por çështje kombëtare e gjithë shqiptarëve.
“Kjo çështje i bashkon të gjitha palët. Sot duhet të jepnim një mesazh se ky proces nuk është i vetëm i qeverisë, pasi s’ka një pronar, por në këtë proces duhet të përfshihet edhe opozita, për të dhënë mendimin, opinionin, qoftë edhe të gabuar, por duhet ta japi mendimin e saj për procesin e integrimit.
Së dyti, vitin e shkuar parlamenti i Shqipërisë miratoi me 119 vota ligjin për procesin e integrimit. Unë i falënderova të gjithë kolegët e opozitës që në një situatë të vështirë u bënë bashkë për të votuar ligjin, duke gjykuar se rritet roli i Kuvendit në procesin e Integrimit dhe që njëkohësisht rriste edhe rolin e kolegëve ligjvënës në proces, por jo për t’u përjashtuar në diskutime. Procesi i integrimit ka mbetur vetëm në prezantime “Power Point”. Këtu s’flasim për cilësi reformash, këtu s’flasim për ligje që ndryshojnë cilësinë e jetës së shqiptarëve. Këtu flasim për prezantime që bëjnë deputetët në Bruksel dhe jo për reforma integruese.
Më vjen keq që gjatë vitit të shkuar kemi patur votime të njëanëshme të ligjeve që s’kanë rritur rolin e parlamentit, por cunguar dhe zvogëular rolin e opozitës në parlament. Miratimi i ligjit të komisioneve hetimore, rregullorja e Kuvendit e votuar në mënyrë të njëanëshme janë disa prej ligjeve që u miratuan nga mazhoranca duke tkurrur rolin e opozitës.
Bashkëdakordësia ka qenë detyrim kohë më parë për procesin e integrimit. Procesi integrimit tashmë ndodhet në një fazë tjetër. Ndodhet në fazën kur pas përfundimit të procesit screening, duhet të kalojmë në një ndryshim cilësor që duhet të vijë nga ky parlament”, vijoi Tabaku.
Lajme të tjera
-
Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: E turpshme
26 Nëntor, 16:30
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Tabaku takohet me kryeparlamentaren e Çekisë: Mbështetje Shqipërisë për Integrimin Europian, luftë kundër ndikimeve të huaja, përfshi ato ruse
25 Nëntor, 14:50 -
Integrimi, BE i kërkon Shqipërisë qëndrimin për Kapitullin 6! Pritet të hapet brenda vitit
25 Nëntor, 11:31 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Parlament/ Tabaku: Ky është buxheti i fundit i socialistëve, 95% e shqiptarëve janë varfëruar! Buxhet diskriminues veri-jug, PD prezanton javën tjetër 19 amendamente
19 Nëntor, 20:25 -
Projekt-buxheti 2025/ Tabaku në Report Tv: Nuk adreson zgjidhje për pensionet! Kemi propozim për minimumin jetik! Takimet e Ramës me pensionistët, justifikime
15 Nëntor, 14:13 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Sfidat ekonomike s’kanë kaluar, Sejko: Integrimi në BE do të na vë përpara sprova të mëdha, të bëhemi gati! Dhuka: Të ruajmë stabilitetin ekonomik
13 Nëntor, 11:50
-
Tabaku kritikon buxhetin për Shëndetësinë: Premtuat shëndetësi falas, por qytetarët paguajnë nga xhepi 48% të shpenzimeve! Ku përfundojnë taksat e shqiptarëve?
12 Nëntor, 16:53
