POP 5

Lajmet më të lexuara të 5 minutave të fundit

Sport

Interi përmbys Fiorentinën e tregon që është kampioni, Atalanta fiton edhe në shtëpi, Suarez nderon Atleticon (VIDEO)

Interi triumfon në Firence dhe merr kryesimin e kampionatit italian. Zikaltërit fituan me përmbysje 3-1 ndaj Fiorentinës duke bërë një pjesë të dytë shumë të mirë. Ka fituar edhe Atalanta ndërsa Atletiko Madrid merr kreun në Spanjë.

Interi dhuron një provë force dhe tregon që është kampioni në Itali. Zikaltërit triumfuan në Firence me përmbysje ndaj Fiorentinës në shifrat 3-1 dhe marrin përkohësisht komandën me 13 pikë. Fiorentina e dominoi pjesën e parë dhe e mbylli në avantazh 1-0 falë golit të Sottil por skuadra e Simone Inzaghit tregoi gjithë potencialin në fraksionin e dytë. Në vetëm tre minuta 52 dhe 55 Interi përmbysi gjithçka me golat e Darmian dhe Edin Dzeko. Më pas në fund shënoi edhe kroati Ivan Perisic. 4 fitore e një barazim për Interin në 5 javë kampionat.Sot zbresin në fushë Juventusi ndaj Spezias e Milani pret Venezian

Atalanta siguroi ndërkaq fitoren e parë në shtëpi për këtë sezon. Bergamaskët triumfuna 2-1 ndaj Sassuolos ku të gjithë golat u realizuan që në pjesën e parë. Gosens dhe Zappacosta shënuan për skuadrën e Gasperinit ndërsa Berardi tundi rrjetën për miqtë. Të shtunën në Milano Atalanta sfidon Interin.

Në La Liga Atletico Madrid përmbysi Getafen falë Luis Suarez dhe mori kryesimin përkohësisht. Skuadra e Simeones e fitoi 2-1 derbin e vogël të Madrid-id me Oblak që e devijoi topin në portën e tij por në 12 minutat e fundit Luis Suarez shpëtoi ekipin. Sulmuesi uruguaian fillimisht barazoi në minutën e 78-të dhe në limite shënoi edhe golin e fitores. Pas 6 javësh Atletico kryeson me 14 pikë ndërsa sonte Reali pret Mallorcan./ Përgatiti Andi Kapxhiu

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51