Indeksi i besimit të biznesit i Dhomës Amerikane të Tregtisë në Shqipëri për vitin 2018 u rrit me 0.71 pikë, në krahasim me vitin e mëparshëm, duke arritur në 43.16 pikë. Që prej vitit 2012, kur ka filluar matja e këtij indeksi, ai nuk ka kaluar asnjëherë pikën kritike prej 50, ndërsa niveli më i mirë i tij ishte në 2016-n, me 43.78 pikë.
Ndryshe nga viti i kaluar, kur taksat ishin shqetësimi kryesor i biznesit, ky tregues ka shënuar përmirësim me 6.4 pikë, duke kaluar në problemin e katërt. Për 2018-n, shqetësimi kryesor i anëtarëve të Dhomës Amerikane ishte monopoli dhe konkurrenca e pandershme, me një përkeqësim prej gati 4 pikësh. Shqetësimi i dytë është gjetja e stafit lokal të kualifikuar dhe ky me një përkeqësim të lehtë.
Për herë të parë, klima e brendshme politike është ngjitur si shqetësimi i tretë më i madh i bizneseve, me një përkeqësim prej 4 pikësh.
Bizneset mendojnë se burokracia e qeverisë ka ardhur në ulje, teksa treguesi është përmirësuar me 6.2 pikë, duke kaluar në shqetësimin e pestë, nga i dyti që ishte një vit më parë.
Treguesi më negativ është perceptimi i bizneseve se ecuria e ekonomisë nuk ka qenë pozitive. Pjesa më e madhe e bizneseve mendojnë se performanca e ekonomisë shqiptare është përkeqësuar, duke qenë treguesi që ka shënuar rënien më të madhe me gati 6 pikë, ndonëse mbetet i teti në radhën e problemeve, për shkak të perceptimit pozitiv vitet e mëparshme.
Më pak problematike për bizneset është furnizimi me energji dhe marrëdhëniet me autoritetet tatimore, lokale dhe doganore.
“Vë re se anëtarët citojnë korrupsionin, konkurrencën e pandershme dhe ekonominë informale si shqetësimet kryesore në raportin e këtij viti”, shkruajti e ngarkuara me punë në Ambasadën Amerikane, Leyla Moses-Ones, në përshëndetjen që ka bërë në këtë publikim. “Kam besim se reforma gjyqësore, në momentin që do të zbatohet, do të kërkojë një klimë biznesi të drejtë dhe të parashikueshme, pa korrupsion, që do të nxisë më shumë kompanitë amerikane të investojnë në Shqipëri, duke ndikuar në rritjen e indeksit në vitet në vijim”, shtoi ajo.
Lajme të tjera
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
Nga 1 janari, certifikatat e origjinës nga Doganat në mënyrë elektronike! Shtohen edhe 4 aplikacione të reja online
9 Tetor, 17:48 -
Biznes me borxhe! BSH: Mbi 37% e ndërmarrjeve me kredi për të paguar punonjësit
26 Shtator, 17:36
-
Ministri i Financave: Në qershor do rishikohet tatimi mbi pagat! Synojmë lehtësimin e tatimit për shtresat e mesme! Dhoma Amerikane: Erëra të mira për vendin, por s’mjaftojnë
26 Mars, 21:17
-
Dhoma Amerikane: Klima e biznesit është përmirësuar! Ulet korrupsioni, shqetësim monopolet
7 Dhjetor 2023, 17:25
-
Bilali kritika Enio Jaços: S'je objektiv në qëndrim, s'ka kompani amerikane që janë penguar të investojnë nga klima e biznesit në Shqipëri
29 Korrik 2023, 10:10 -
Të rinjtë po braktisin gjimnazin, 7.4% më pak në 2022! Ulet numri i të diplomuarve në të gjitha nivelet arsimore! ‘Bujqësia’ nuk pëlqehet, preferohet biznesi
24 Maj 2023, 16:41
-
Kreu i Dhomës Amerikane të Tregtisë: Investimet amerikane në Shqipëri janë rritur me 250%! Kim: Reforma në drejtësi, bazë për rritjen investimeve
24 Prill 2023, 18:19 -
Tregu i punës në vitin 2023, punonjësit drejtojnë 'timonin' e biznesit
14 Janar 2023, 08:20 -
Biznesi në Shqipëri mes vështirësive, Tabaku: Sipërmarrja të kishte sistem taksash më të lehtë! Zv. ministri: Presim rikthim në normalitet të çmimeve brenda 8 muajsh
4 Janar 2023, 21:44 -
Presidenti i Dhomës Amerikane të Tregtisë: Shqipëria do ndjejë efektet e recesionit! Shigjetohet nga 4 kërcënime, si mund të përfitojë rritje ekonomike
3 Janar 2023, 14:53 -
Shërbimet Doganore marrin vlerësimet pozitive nga biznesi
14 Dhjetor 2022, 14:04
