Irani: Perëndimi shtrembëron të vërtetën për situatën në Gaza, justifikojnë mizoritë e tyre! SHBA ofron mbështetje ushtarake kundër palestinezëve

Ministri i Jashtëm iranian, Hossein Amirabdollahian, në një takim gjatë mbrëmjes së djeshme me presidentin sirian Bashar Assad, tha se Perëndimi po shtrembëronte të vërtetën për situatën në Gaza, duke justifikuar mizoritë e tyre.

“Vendet perëndimore përpiqen të shtrembërojnë realitetin e Gazës për të justifikuar mizoritë e sionistëve dhe për të legjitimuar këto krime”, tha Amirabdollahian.

LEXO EDHE:
Përplasje mes protestuesve në Universitetin e Kalifornisë, mbështetësit e Izraelit sulmojnë pro-palestinezët, 15 të plagosur

Ai shtoi se SHBA po ofron mbështetje ushtarake kundër palestinezëve. Po ashtu tha se vrasja brutale e njerëzve në Gaza ishte një krim lufte.

“Ata u bëjnë thirrje të gjitha palëve në konflikt të tregojnë përmbajtje, me përjashtim të regjimit sionist. Shtetet e Bashkuara nuk mund të bëjnë thirrje për përmbajtje dhe ndërkohë të ofrojnë mbështetje ushtarake për regjimin sionist për ta përdorur atë kundër palestinezëve. Vrasja brutale e njerëzve në Gaza nga sionistët, bombardimi dhe rrethimi i kësaj zone janë një krim lufte”, tha Amirabdollahian duke nënvizuar se Rezistenca është e aftë të mbajë veten për një kohë të gjatë kundër Izraelit.

Presidenti sirian, nga ana e tij, tha se "sionistët dhe mbështetësit e tyre, të udhëhequr nga Shtetet e Bashkuara dhe vendet perëndimore, përpiqen ta kthejnë situatën në të kaluarën pas fitores së fundit palestineze ose të përdorin sulmet e Hamasit si një justifikim për të shkatërruar Rezistencë". 

“Arsyeja e mbështetjes së Perëndimit për regjimin sionist është shqetësimi i tyre për rrezikun e një kolapsi të regjimit, për shkak të krizës së tij politike dhe ekonomike”, shtoi ai.

Lajmi kryesor:

Lufta në Rripin e Gazës/ Skadon afati i evakuimeve nga veriu! Netanyahu: Lëvizja e radhës po vjen! Ushtria izraelite: Po përgatisim sulm ajror, tokësor e detar ndaj Hamasit

S.S/G.MO/Shqiptarja.com

TAG:
• sulmohet izraeli