POP 5

Lajmet më të lexuara të 5 minutave të fundit

Bota

Irani propozon planin e ri për ndëshkim, masa të ashpra për mediat që shkruajnë lajme të rreme

Irani vjen me ndryshime të tjera drastike. U propozua një plan për të dënuar me masa të ashpra ata që publikojnë lajme të rreme dhe që sipas qeverisë kanë pasoja negative në shoqëri.

Irani propozon planin e ri për ndëshkim, masa të ashpra për mediat që shkruajnë lajme të rreme

foto ilustruese nga protestat

Irani vjen me ndryshime të tjera drastike. U propozua një plan për të dënuar me masa të ashpra ata që publikojnë lajme të rreme dhe që sipas qeverisë kanë pasoja negative në shoqëri.

Sipas planit, ata që publikojnë në media "lajme të rreme" do të mbajnë përgjegjësi ligjore për demet që i krijojnë shoqërisë dhe kjo do funksionoj për çdo lloj lajmi.

Mohammad Taghi Naqdali, një anëtar i Komisionit ligjor të Parlamentit iranian, tha se ndjekja penale dhe ndëshkimi nuk kufizohen vetëm për ata që publikojnë lajme me pasoja negative, por "dënimi është përcaktuar edhe për individët ose mediat që ekzagjerojnë lajmin".

Agjencia e lajmeve Tasnim, e cila është e lidhur me Korpusin e Gardës Revolucionare Islamike (IRGC), e quajti planin kundërpërgjigje dhe reagim i ardhur pas protestave mbarëkombëtare që janë zhvilluar  Iran dhe kjo me qëllim për të fituar më shumë kontroll mbi përdoruesit e mediave sociale, si edhe për t’i frikësuar ato. Më 8 dhjetor, Irani kreu ekzekutimin e parë, që lidhet me protestat anti-qeveritare.

Mijëra iranianë kanë protestuar në mbarë vendin që kur Mahsa Amini vdiq në shtator teksa ishte në paraburgim. Ajo po akuzohej nga autoritetet se kishte shkelur rregullat e veshjes së hixhabit, apo të quajtur ndryshe shami. Ndërkohë, kujtojmë se babai i vajzës ka reaguar për vdekjen e Mahnsa Aminit dhe ka thënë se ajo nuk ka patur probleme shëndetësore siç kanë thënë autoritetet përkatëse, por ajo është vrarë nga ata.

Protestat aktuale në Iran janë shndërruar në sfidën më të madhe për udhëheqjen e vendit që nga Revolucioni Islamik i vitit 1979.

F.D/S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça