Juristi Kreshnik Spahiu ka komentuar arratisjen e Altin Ndoçit nga Spitali i Durrësit duke e cilësuar atë si një ngjarje të rëndë dhe shoqërimi i tij ishte jashtë çdo protokolli sigurie.

Në një lidhje skype për emisionin ‘Frontline’ në Report Tv, ai tha se çdo orë që kalon pa u arrestuar Altin Ndoçi, ulet ndjeshëm edhe mundësinë e kapjes së tij, ndërsa theksoi se arratisja ishte e mirëorganizuar.

Spahiu theksoi se Shqipëria ka një numër të madh të burgosurish, ndërsa theksoi se në kushte të tilla që do të duhej të kishte edhe nga një spital brenda çdo burgu.

‘Altin Ndoçi sapo ka nisur punë tashmë. Çdo orë që kalon rritet prognoza që ai të mos arrestohet, nëse brenda 24 ose 36 orësh nuk arrestohet bie probabiliteti i ndalimit të tij. Është e qartë që ai nuk është arratisur në bashkëpunim me atë shoferin e atij Audi-t që e priste jashtë. Është një arratisje e organizuar dhe e financuar. Është jashtë çdo protokolli mënyra e shoqërimit të tij. Edhe policia u lajmërua kur u sigurua largimi i tij jashtë territorit të kontrollit. Kemi të bëjmë me një arratisje të mirëorganizuar. Grupi nga i cili diskutohet që është sponsorizues i kanë pasur paratë me thasë dhe në këtë kontekst s’ka qenë në pikëpyetje sa është shifra që mund të jetë paguar.

Çështja është alarmante, u largua Altin Ndoçi është me rrezikshmëri të lartë po mund të ishin larguar edhe të tjerë. Reagimi i shtetit ishte qesharak ku thuhej janë shtuar forcat e sigurisë në burgun e Durrësit, a thua sikur në atë burg kishin bërë plan që të arratiseshin pas Ndoçit edhe të tjerë. Po Shqipëria ka aq shumë të burgosur sa duhet nga një spital brenda çdo burgu. Arratisja e tij mendoj se ka ndodhur për shkak të neglizhencës nga punonjësit e policisë’, tha ai.

Rendit zhvillimet sipas orarit:
Ora 22:58
Spahiu: SHBA më mirë të hiqte vizat turistike, sesa bashkimet familjare dhe vizat e punës

Juristi Kreshnik Spahiu, në emisionin 'Frontline' në Report Tv, ka komentuar edhe vendimin e SHBA për pezullimin e vizave të emigrantëve për 75 vende, ku mes tyre është edhe Shqipëria e Kosova.

Ai ka deklaruar se SHBA duhet që të kishte hequr vizat turistike dhe jo bashkimet familjare dhe vizat e punës.

'Kur Trump ka ardhur në Shtëpinë e Bardhë ka sjellë një vizion tjetër për një rend të ri botëror. Shqipëria dhe Kosova nuk kanë ende ambasador amerikan, sepse ky është një lloj mesazhi diplomatik ndaj shteteve që nuk dërgon ambasador. Trump funksion në regjimin e tij politikë si një biznesmen, për të është më i rëndësishëm dollari, sesa qëniet njerëzore. Për të është me rëndësi që të kursejë lekë sesa të drejtat që familjet të bashkohen me familjet e tyre. Po unë them më mirë të hiqeshin vizat turistike, pra më mirë të rrimë ne pa shkuar në Amerikë, sesa të rrinë pa u bashkuar familjet’, tha ai.

S.B/Shqiptarja.com