Gjykata ka lënë sot në burg Armando Markun dhe Kristjan Sherrin, shokët e Aldi Ramës, të cilët ishin në makinë me të kur i riu qëlloi për vdekje nënkomisarin Saimir Hoxha. Për Markun dhe Sherrin është ngritur akuza e moskallëzimit të krimit, për armën që Aldi Rama kishte me vete, ndërsa gjykata pranoi sot kërkesën e prokurorit Ylli Pjetërnikaj, duke lënë në burg dy të rinjt.
Ndërkohë, avokati i tyre akuzoi gjykatën se po mbron "veprimet e paligjshme të policisë" që ndaluan makinën pa shenja dalluese se ishin policë. Sipas tij, Marku dhe Sherri nuk kanë lidhje me Aldi Ramën.
"Në momentin që ka ndodhur ngjarja, policët ishin pa shenja dalluese kur ndaluan makinën e të rinjve. Gjykata po mbrojnë veprimet e paligjshme të policisë. Nuk kanë lidhje me Aldi Ramën, në të kundërt do iknin me të. Ata nuk ikën, ndenjën me policët se kur i mbaruan fishekët policëve, u trembën më shumë se ata. Po të donin kishin ikur se ishin më të fuqishëm se policët, por ata ndihmuan të vinte ambulanca për policin e plagosur. Ata nuk kanë kryer asnjë vepër penale", tha ai.
Armando Marku dhe Kristjan Sherri u arrestuan 28 shtator, menjëherë pas ngjarjes së rëndë. Ata ishin në makinë me Aldi Rama, në momentin kur u ndaluan nga nënkomisari Hoxha dhe dy kolegët e tij. Ata zbritën nga makina pas urdhrit të policisë, urdhër që nuk u zbatua nga Aldi Rama i cili me fjalët "unë nuk jam për kontroll", qëlloi drejt policisë dhe plumbat kapën nëkomisarin Saimir Hoxha.
Më pas Aldi Rama u largua me makinë, duke lënë pas dy shokët e tij. Ai qëlloi veten për vdekje pas 6 orësh ndjekje nga policia. Në dëshminë e tyre në polici, Marku dhe Sherri deklaruan se nuk e dinin se Rama kishte pistoletë me vete dhe se në vendin ku i gjeti policia, kishin shkuar për të pirë hashash.
Mamaja dhe motra e Kristjan Sherrit kanë shpërthyer në lot pas vendimit të gjykatës për ta lënë të riun në burg. Siç shihet edhe nga pamjet jashtë dyerve të gjykatës, e ëma dhe motra e shokut të Aldi Ramës, të riut që vrau nënkomisarin Saimir Hoxha, janë prekur emocionalisht dhe madje kanë gjetur edhe ngushëllimin e gazetarëve.
Për dy shokët e Aldi Ramës, Armando Markun dhe Kristjan Sherrin gjykata vendosi masën 'arrest me burg', ndërkohë që ndaj tyre është ngritur akuza e moskallëzimit të krimit, për armën që Aldi Rama kishte me vete. Dy të rinjtë kanë heshtur në seancën gjyqësore.
Komente
Lajme të tjera
-
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Moti i keq/ Lezha përfshihet nga rrebeshet e shiut me erëra të forta! Vështirësohet qarkullimi i mjeteve në qytet
23 Dhjetor, 12:13 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
‘Darka e të marrëve’, komedia e famshme shfaqet në Lezhë
22 Dhjetor, 20:55
-
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Mbrëmje bamirësie në Lezhë, 20 shefa kuzhine gatuajnë për 200 persona! Mblidhen 10 mijë euro për qendrën “Rozalba” dhe familjet e varfëra
21 Dhjetor, 11:47
-
Mirditë, tregu i Krishtlindjeve pret qindra vizitorë! Të dielën koncert dhe panair me produkte lokale
21 Dhjetor, 10:18
Po normal te pafajshmit i mbajn ne burg shteti qe duam
PërgjigjuPolicia pa shenja dalluese ne postobllok dhe ne aksionin e djegies se hashashit. Keta police sillen si gangestere dhe gjobvenes dhe ne fund perfundojne si viktima te vete veprimeve te tyre. Kjo qe thote avokati eshte uleritese. Nxitohet te shpallet deshmor per show pa mbaruar ende procesi hetimor penal dhe administativ. Nuk dua te justifikoj vrasesin por nese ka qelluar pa paralajmerim atehere do kete patur nje motiv te forte qe askush deri tani nuk po e thote. Policia doli me 20 variamte, genjyen kur thane qe kishin jeleke me mbishkrimin policia. Ndoshta i kane marre gjoben ketyre, ju kane prishur parcelen me pas dhe ne fund kane dashur ti arestojne. Kjo eshte ajo qe bejne zakonisht. Duhet nje shkundje e forte dhe ristrukturim i plote i kesaj policie qe eshte jashte binareve te ligjshmerise.
PërgjigjuBravo ajet analiz e holl dhe bindese.