Pas 8 orë qëndrimi në det janë ankoruar në portin e Durrësit dy tragetet me 427 pasagjerë, pasi për shkak të motit të pafavorshëm me erëra të forta dhe reshje shiu nuk u mundësua ankorimi më parë.
 
Tragetet që pritën për më shumë se 8 orë janë 'Rigel II' dhe 'Rhapsody' të cilat ishin nisur nga Bari, por që u ankoruan vetëm përmes ndihmës së një rimorkiatori.

trageti 1
trageti 2
(Pozicioni i marrë me GPS satelitor i trageteve të ankoruar në portin e Durrësit)
 

rimorkiuar
(Tragetet e ankoruar)

Dy tragetet kanë mbërritur në Durrës rreth orës 08:00 të mëngjesit të sotëm, por mundën që të ankoroheshin rreth orës 16:00 duke i dhënë fund edhe situatës së vështirë që u krijua tek pasagjerët.

moti durres

Nga moti i keq në det dallgët arritën në 8 ballë çka e bënte të pamundur ankorimin e trageteve, ndërkohë që mjaft problem janë shënuar edhe tek peshkaregjat apo anijet e vogla që dalin zakonisht për peshkim në ujërat e detit.
 
moti durres

tragetet durres

tragetet durres
( Lëvizjet e dy trageteve në radën e portit të Durrësit, në përpjekje për t'u ankoruar )


(Deti i trazuar në Durrës)

Edhe Vlora po përballet sot me mot të trazuar, ku për pasojë është pezulluar lundrimi në det për mjetet e peshkimit . Dallgët arrijnë deri në 5 ballë brenda gjirit, ndërsa 6-7 ballë në det të hapur.