POP 5

Lajmet më të lexuara të 5 minutave të fundit

Kultura

Ismail Kadare në një rrëfim për fëmijët jetimë: Si u njoha me Helenën

Shkrimtari i madh Ismail Kadare, së bashku me bashkëshorten e tij Helenën zhvilluan një takim me fëmijë jetimë, duke rrëfyer për ta ngjarjet më të bukura të jetës së tij, jo vetëm si shkrimtar por edhe nga jeta personale.

Në ditën kombëtare të fëmijëve jetimë, njeriu i madh i letrave shqipe Ismail Kadare së bashku me bashkëshorten e tij Helena organizuan një takim miqësor me një grup fëmijësh jetimë të apasionuar pas veprave të shkrimtarit të madh. Në këtë takim fëmijët shfaqën interes jo vetëm për veprat e shumta të  Kadaresë, por edhe për jetën personale. Një nga kuriozitetet që ata kishin ishte dhe njohja e shkrimtarit me bashkëshorten e tij, Helenën.

“Në Moskë vinin gazetat e vendeve aleate, vinin edhe gazetat shqiptare, ndër to unë pashë një tregim të një vajze që quhej Helena. Unë i bëra një letër Helenës, të shkurtër për tregimin, ku i thoja që e lexova dhe u impresionova nga tregimi jot dhe Helena bëri një përgjigje 10 herë më të gjatë se ajo ishte adoleshente, ishte 10 herë më e vogel se unë. Kur erdha unë në Shqipëri pata rastin ta takoja. Ishte e thjeshtë dhe jo e thjeshtë, e zakonshme dhe jo fort e zakonshme”, tha Kadare.

Ndër të tjera, shkrimtari Kadare tregoi dhe disa nga ngjarjet që ka përjetuar në kohën e komunizmit, duke u shprehur se të bëje letërsi në atë kohë ka qenë e vështirë. Për të, ngjarjet e asaj periudhe kanë qenë dramatike.

“Epoka e socializmit, kur ju ende nuk kishit lindur ka pasur ngjarje të forta dhe dramatike, të dhimbshme. Aëherë ishte parulla që populli është i lumtur dhe ne duhet të përshkruanim lumturinë. Lumturia në letërsi është një gjë shumë e mërzitshme ta shkruash, është shumë mirë ta kesh, ta shijosh por të ulesh të shkruash dicka, dhe ju pot a provoni nuk është shumë tërheqëse. Tërheqëse, shpesh për fatin e keq për artin janë gjërat dramatike", u shpreh Kadare.

Të entuziazmuar nga historitë e rrëfyera, fëmijët nuk u larguan pa marrë dhe një shënim në librat  e shkrimtarit që mbanin në duar.

/a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri

Theu masën e arrestit të shtëpisë, shpallet në kërkim 47 vjeçari nga Fieri

5 Nëntor, 13:13