Tri pyetje për Ismail Kadare
Shkrimtari Ismail Kadare, disa herë kandidat për çmimin Nobel të Letërsisë, është një figurë madhore e letërsisë evropianë. Autor i shumë kryeveprave, të përkthyera në 40 gjuhë të botës ai ka pritur në shtëpinë e tij, në Tiranë AFP-në, pak orë para marrjes së titullit «Officer i madh i Legjonit të Nderit », nga presidentit francez Emmanuel Macron.
PYETJE: Çfarë është letërsia për Ju, i konsideruar si një nga shkrimtarët më të mëdhenj bashkëkohorë që ka jetuar e ka shkruar edhe në gjatë viteve të diktaturës komuniste?
PËRGJIGJE: Të shkruaje në diktaturë ka qenë e vështirë, thuajse e pamundur. E pamundur të shkruaje siç dëshiroje të shkruaje. Ja përse unë i jam mirënjohës letërsisë: Letërsia më dha mundësinë të kapërceja të pamundurën.
Ferri komuniste, si çdo ferr tjetër është mbytës në kuptimin më të keq të fjalës. Por letërsia arrin ta transformojë atë në një forcë jete, në një forcë mbi të cilën mbështetësh për të mbijetuar, për të mundur me kokën lart çdo gjë.
Unë kam qenë gjithmonë besnik i letërsisë, kam respektuar çdo herë veç urdhërat e saj, kam qenë thellësisht i lidhur me të, ajo ka qenë qëllimi i jetës sime, qëllimi absolut i jetës sime që ka bërë të mundur të kapërcej çdo vështirësi. Kur arti mbijeton, ky është një triumf, një fitore.
Dhe siç thotë Kundera: 'Arti nuk triumfon kurrë kokëulur!'
Letërsia më ka dhënë çdo gjë që kam, me ka dhënë kuptimin e jetës, më ka dhënë guximin të luftoj ,të kem shprese, të ndjej gëzim, të kapërcej çdo gjë: Kjo është letërsia!
PYETJE: A është letërsia dashuria dashuria më e madhe e jetës suaj:
PËRGJIGJE: Letërsia është dashuria ime më e madhe, e vetmja, më e madhe se çdo gjë. Letërsia është gjithçka për mua, jeta ime, jeta e të tjerëve, jeta e të gjithëve.
Letërsia jeton paralelisht me botën, ecën me të, në krah të saj.
Ajo më ka dhënë gjithçka unë kam sot, ajo ka qenë dhe është kuptimi i jetë, ajo më ka dhënë kurajën për të qëndruar, shpirtin, frymën, lumturinë e shpresën. Gjithçka e bukur për mua është letërsia!
E mbaj me vete kudo, shkruaj gjithë kohën, hedh shënime, shkruaj tregime ,kam projekte për të botuar dorëshkrime po disa prej tyre duhet ti rishoh.
Çdo botim është për mua si një rilindje, kështu ka qenë gjithmonë. Letërsia është e ngjashme me ëndrrat. Letërsia ushqen shpirtin.
PYETJE : A jeni i trishtuar që nuk e keni marrë ende çmimin Nobel për letërsinë? Ju edhe këtë vit ishit një nga pak kandidatët e përzgjedhur ?
PËRGJIGJE: Çmimi Nobel është një nder që bota i bën artit dhe unë jam i nderuar që shumë herë kam që i përzgjedhur si kandidatët për këtë çmim gjë që sigurisht më prek dhe sigurisht më lumturon.
I vlerësoj shumë librat e mi, i nderoj shumë librat e mi jo vetëm se si autori por sepse ato i përkasin letërsisë shqipe . Ato janë pasuri, pjesë e të gjithëve.
Një shkrimtar për t’u ndjerë krenar dëshiron veç të kontribuojë në këtë pasuri .
Vepra ime është ajo e popullit tim, është letërsia shqipe dhe ajo nuk më takon mua ,ajo i takon shpirtit njerëzor, gjithë njerëzve të këtij vendi.
Shqipëria është një nga vendet më besnike të Europës dhe ashtu do të mbetet përherë dhe Franca është një nder vendet që ka vlerësuar letërsinë time e ky është padyshime një nder për mua.
Ne jemi bij të artit, ne i shpërbejmë artit. E për gjithçka unë kam bërë i jam mirënjohës artit. Forcës krijuese të tij. Ashtu si arti edhe shkrimtari nuk ka kurrë moshë./ AFP Briseida Mema
Komente
Lajme të tjera
-
Dita e Alfabetit/ Arkivat ekspozojnë 'Dorëshkrimet e Kadaresë' në Shkup
22 Nëntor, 14:52 -
Intervista për Report Tv/ Libri me tregime, Helena Kadare rikthehet si shkrimtare: E shkruara për mua është si terapi pas humbjes së Ismailit
15 Nëntor, 15:33
-
Ekspozohen për herë të parë dorëshkrimet e Kadaresë, 44 488 faqe shpalosen në Bibliotekën e Kryeministrisë! Krijime që prej moshën 11-vjeçare
15 Nëntor, 09:40 -
Rikthehet në TKOB “Plaga e dhjetë e Gjergj Elez Alisë”, shfaqja bën bashkë emrat e Ibrahimit, Kadaresë dhe Aliajt
24 Tetor, 16:37
-
“Plakat e jetës”, të Kadaresë, na flasin përsëri!
21 Tetor, 19:35
-
Milan Kundera në gjuhën e nënës, letërsisë dhe shqipes, përkthyesja Pasho: Ashtu si Kadareja vuajti moskuptimin!
17 Tetor, 11:22
-
Ilir Yzeiri boton librin 'Kadare, identiteti i keqkuptuar'
28 Shtator, 10:53 -
Opozita dhe ministri Gonxhe replika për varrin e Kadaresë! Gjekmarkaj: Nuk duhej të ishte në Tufine sot, si në Kandahar
17 Shtator, 18:54 -
'Plakat e Jetës' të Kadaresë dhe magjistaret e Tiranës dhe Korçës
7 Shtator, 11:10
-
Rikthehet Mural Fest, portreti i Ismail Kadaresë përjetësohet në një pallat në Tiranë: Veliaj: Murale e mrekullueshme
1 Shtator, 16:59 -
Artisti argjentinas përjetëson Kadarenë në një murale, kuratori Haliti: Atraksion për të gjithë vizitorët në kryeqytet
31 Gusht, 16:56
-
Kreshnik Spahiu: Kush po i nxit 'kosovarët' të ndjehen superior dhe ta urrejnë Shqipërinë?
28 Gusht, 15:16
Jam dakord me ju,kur thoni qe letersise i dedikoni gjithecka qe keni arritur,sa per te tjerat....!! Z.Kadare,besnike i qendruan letersise dhe shume autore te tjere,por jo te gjithe paten fatin qe te botohen brenda vendit,akoma dhe me pak ,e pane driten e perkthimit e botimit jashte.Disa shkuan dhe ne burg e internim,bile dhe per /riedukim e rifrymezim/per nje kohe te gjate prane klases punetore e fshataresise neper rrethe,disa te tjere dhe u pushkatuan e u varen per vargjet qe shkruan,por sa ishte numri atyre, aq me fat e aq te vleresuar nga diktatura aq shume ,sa te ftoheshin zyrtarisht e te takonin personalisht Enver Hoxhen?! Emrat e fotot e tyre jane pjese e faktit historik e cfaredo qe te thone e te pretendojne sot,faktet jane fakte,nuk i mohon dot.
Përgjigju