POP 5

Lajmet më të lexuara të 5 minutave të fundit

Politikë

Itali, Ceka i dorëzon letrat kredenciale
presidentit Napolitano

Dje u zhvillua ceremonia e dorëzimit të letrave kredenciale të Ambasadorit të Jashtëzakonshëm dhe Fuqiplotë të Republikës së Shqipërisë, Neritan Ceka tek Presidenti i Republikës së Italisë, Giorgio Napolitano.
Itali, Ceka i dorëzon letrat kredenciale<br />presidentit Napolitano
ROMË - Ambasadori Neritan Ceka i paraqiti Letrat Kredenciale Presidentit të Republikës Italiane, Giorgio Napolitano.
 
Dje u zhvillua ceremonia e dorëzimit të letrave kredenciale të Ambasadorit të Jashtëzakonshëm dhe Fuqiplotë të Republikës së Shqipërisë, prof. Neritan Ceka tek Presidenti i Republikës së Italisë, Giorgio Napolitano.
 
Pas dorëzimit të letrave kredenciale, Presidentit të Republikës Italiane u zhvillua një bisedë, objekti i të cilës ishin marrëdhëniet e shkëlqyera ndërmjet Shqipërisë dhe Italisë, duke u ndalur me një fokus të veçantë në integrimin e Shqipërisë në BE.
 
Presidenti Napolitano u interesua për situatën zgjedhore në Shqipëri. Ambasadori Ceka informoi mbi zhvillimet më të fundit në Shqipëri, si përsa i përket zgjedhjeve, ashtu edhe lidhur me gjendjen dhe zhvillimet ekonomike në Shqipëri.
 
Më tej, bashkëbiseduesit vijuan diskutimin mbi bashkëpunimin e dy vendeve jo vetëm në marrëdhëniet dypalëshe, por edhe në kuadër të organizatave ndërkombëtare si OKB, NATO, etj, si dhe atyre rajonale.
 
Ambasadori Ceka i transmetoi Presidentit Napolitano përshëndetjet e përzemërta nga ana e Presidentit të Republikës së Shqipërisë Bujar Nishani dhe Kryeministrit Sali Berisha.
 
Në ceremoninë e dorëzimit të letrave kredenciale të ambasadorit Ceka dhe letrave të thirrjes së ambasadorit Kola, morën pjesë nga Ambasada znj. Hysi, ministër fuqiplotë, Cauli, atashe ushtarak dhe z.Ibra, sekretar i dytë, ndërsa nga Presidenca këshilltari diplomatik i Presidentit, ambasador Stefano Stefanini, këshilltari për Çështjet Ligjore dhe Kushtetuese, Giancarlo Montedoro, këshilltari ushtarak, gjeneral Rolando Mosca Moschini. Të pranishëm në ceremoni ishin edhe zv/ministri i Punëve të Jashtme, Bruno Archi dhe drejtori i Protokollit të Shtetit, ambasador Stefano Ronca.

Redaksia Online
(mag/shqiptarja.com)

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Organizata civile: Peticion për ndryshimin e emrit të Kosovës në Dardani

Organizata civile: Peticion për ndryshimin e emrit të Kosovës në Dardani

19 Dhjetor, 09:45