Një 17 vjeçar me origjinë shqiptare është në gjëndje kritike për jetën pasi u godit me thikë nga një djalë tjetër, pasditen e së hënës, në Stradella të Italisë, raporton milano.corriere.it.

“Sherri i parë mes tyre u zhvillua të dielën në mbrëmje në një disko për shkak të një vajze, por nuk menduam se do të arrinte deri në këtë pikë”, shprehen miqtë e përbashkët të djemve.

Raportimi në polici i plagosjes së të riut u bë nga banorë, të cilët u alarmuan nga britmat dhe bënë thirrje për ndihmë.

Autori i identifikuar si Simone Maddaluno, 19 vjeç, është arrestuar nga policia dhe po përballet me akuza për vrasje në tentativë.


Redaksia Online
Er.K/Shqiptarja.com