Izraeli replikon me liderin suprem iranian: Je i fortë pas tastjerës, do pendohesh shpejt ti dhe Hamasi

Udhëheqësi suprem iranian Ayatollah Ali Khamenei, ka shpërndarë në platformën e tij X (ish-Twitter) një mesazh në mbështetje të terroristëve të Hamas, teksa akuzon “sionizmin” për krime ndaj palestinezëve.

“Krerët e regjimit sionist dhe mbështetësit e tyre duhet ta dinë se masakra dhe vrasja masive e popullit të Gazës do të shkaktojë një fatkeqësi më të madhe mbi ta”, shkruan Khamenei.

LEXO EDHE:
Presidenti i Argjentinës vizitë në Izrael në shenjë solidariteti

Por përgjigja ka qenë e menjëhershme nga llogaria zyrtare e shtetit të Izraelit, ku kanë shkruar se Irani do pendohet shumë shpejt për veprimet e tyre barbare. Reagimi i tyre erdhi disa orë pas një fjalimi televiziv më 9 tetor, në të cilin Khamenei lavdëroi Hamasin për sulmin e tij ndaj Izraelit, i cili ka vrarë më shumë se 1,000 izraelitë që nga e shtuna, i cili mohoi se Irani kishte luajtur rol kryesor në këtë operacion, raporton wionews.

“Është e lehtë të jesh i guximshëm kur fshihesh pas tastierës. Ju dhe miqtë tuaj të Hamasit do të pendoheni shumë shpejt për veprimet tuaja barbare”, shkroi faqja zyrtare e Izraelit në Twitter (X).

Tensionet mes Iranit dhe Izraelit kanë arritur majat, teksa zyrtarë të shumtë izraelitë kanë akuzuar se Irani ka trajnuar dhe financuar terroristët e Hamasit.

Lajmi kryesor:

Lufta/ Gaza në terr, fiket centrali, vriten 11 anëtarë të OKB! Izraeli formon qeverinë emergjente, përgatitet për 'luftë me dy fronte' nëse sulmon grupi libanez Hezbollah

S.S/Shqiptarja.com

TAG:
• sulmohet izraeli