TIRANE- Për kthimin e pronave qeveria ka miratuar disa hapa konkrete. Sipas planit është parashikuar hartim i një liste të vendimeve përfundimtare gjyqësore dhe administrative që njohin, kthejnë dhe kompensojnë të drejtën e pronës ish-pronarëve. Kjo listë duhet të përmbajë të dhëna e pronës ish-pronarëve. Kjo listë duhet të përmbajë të dhëna në lidhje me statusin e pronës, vendndodhjen, sipërfaqet që kthehen, kompensohen dhe format e kompensimit.

Veç kësaj si pikë tjetër është parashikuar miratimi i hartës së vlerës së pronës me vlera sa më të arsyeshme dhe reale, përgatitja e faturës financiare të procesit të takimit dhe kompensimit të pronave. Krijimi i një mekanizmi efikas për ekzekutimin e të gjitha vendimeve përfundimtare, administrative dhe gjyqësore që njohin, kthejnë dhe kompensojnë pronën e ish-pronarëve.

Për ekzekutimin e vendimeve gjyqësore është parashikuar miratimi i një plani veprimit për ekzekutimin e vendimeve që njohin, kthejnë dhe kompensojnë pronën, me masat strategjike, strukturore, buxhetore dhe ligjore konkrete, me procedurat të drejta dhe të menduara hap pas hapi, si dhe afatet reale kohore.
 
Shkrimi u publikua në "Shqiptarja.com" (Print) më 17.08.2014
 
Redaksia Online
(e.s/shqiptarja.com)