POP 5

Lajmet më të lexuara të 5 minutave të fundit

Ekonomi

Janar 2017, 720 milionë euro 
​kredi nuk kthehen në banka

Të dhënat e Bankës së Shqipërisë tregojnë se stoku i huasë për ekonominë në fund të dhjetorit ishte 546.7 miliardë lekë, në ulje nga 567.8 miliardë lekë në të njëjtën periudhë të një viti më parë.
Janar 2017, 720 milionë euro <br />​kredi nuk kthehen në banka
Të dhënat e Bankës së Shqipërisë tregojnë se stoku i huasë për ekonominë në fund të dhjetorit ishte 546.7 miliardë lekë, në ulje nga 567.8 miliardë lekë në të njëjtën periudhë të një viti më parë. Rënia më e madhe si muaj është shënuar në dhjetor me 5.6 miliardë lekë. Por edhe janari ka vijuar me tkurrje, teksa stoku ka zbritur në 545 miliardë lekë.

Megjithatë, në bazë vjetore në janar ecuria e kreditimit rezulton pozitive, por me një marzh shumë të vogël. Krahasuar me të njëjtën periudhë të një viti më parë, portofoli i kredisë rezulton në rritje, me rreth dy miliardë lekë. Rritja është mbështetur sidomos nga kreditimi i individëve, me një portofol në rritje vjetore prej rreth gjashtë miliardë lekësh.

Kurse kreditimi i bizneseve ngelet ende në rënie, me rreth 3.5 miliardë lekë më pak krahasuar me janarin 2016.
Ndërkohë, pas rënies së fortë në nëntor dhjetor të vitit të kaluar, kreditë me probleme arritën në 18.23% të totalit të portofolit të kredive në janar, duke u ulur lehtë ndaj nivelit 18.27%, me të cilin mbylli vitin 2016.

E njëjta situatë u konstatua edhe vitin e kaluar, kur kreditë me probleme zbritën në 18.22% në dhjetor 2015, por më pas filloi sërish rritja graduale, që kulmoi në gusht 2016, në 21.44%.

Një rënie e treguesit të huave me probleme ishte e pritshme, pasi muajt e fundit të vitit shënojnë përgjithësisht një proces të fshirjes së kredive, të cilat kanë më shumë se tre vjet që nuk kthehen në banka (kredia e humbur). Ndonëse ato fshihen nga bilancet, kredia vijon të klasifikohet e keqe dhe ajo vazhdon të mblidhet, por nuk figuron më në llogaritë e bankave.

Në total, në janar 2016 janë rreth 99 miliardë lekë, apo rreth 720 milionë euro, për të cilat bizneset apo individët i kanë vonuar pagesat e kësteve në banka për më shumë se tre muaj (periudha kur një hua fillon e klasifikohet si e keqe).

Kjo shumë ka mbetur pothuajse e pandryshuar nga janari i një viti më parë, çka tregon se, pavarësisht fshirjes, hua të tjera problematike i janë shtuar sistemin përgjatë 2016-s.

Më e madhja prej tyre ka ardhur nga klienti Kurum, që shpalli falimentin në shkurt 2016 dhe që, sipas Gjykatës, ka kredi në bankat shqiptare në vlerën prej 42 milionë eurosh, përfshirë dhe interesat.

Banka e Shqipërisë prej më se dy vitesh ka hartuar një plan për uljen e kredive me probleme, në fokus të të cilit është ristrukturimi apo falimenti i 35 korporatave më të mëdha, që kanë rreth 60% të kredive me probleme.

Por ky plan nuk është zbatuar plotësisht për shkak të vonesave në ligjin e ri të falimentin, që përfundimisht pritet të hyjë në fuqi në maj të këtij viti.

Redaksia Online
l.q/Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mjalti, biznesi i ëmbël që prodhon produkt të shtrenjtë

Mjalti, biznesi i ëmbël që prodhon produkt të shtrenjtë

22 Dhjetor, 18:05 nga Piro Nase