Japoni, humbin jetën 49 persona nga rrëshqitjet e dheut, autoritetet japin alarmin

Të paktën 49 persona të vdekur dhe më tepër se 47 të zhdukur në Japoninë jugperëndimore për shkak të rrëshqitjeve të dheut, nga shirat e rrëmbyer. Sipas shërbimit publik japonez të transmetimeve, më tepër se 1.6 milionë njerëz u detyruan të largohen nga shtëpitë e tyre.

Agjencia e Menazhimit të Fatkeqësive natyrore të Japonisë tha se 3,1 milionë banorë të tjerë u këshilluan të evakuoheshin.

Ndërsa shirat e rrëmbyer vazhdonin në Japoninë qendrore dhe perëndimore, Agjencia Metereologjike japoneze i paralajmëroi banorët për shira “historike”, shkarje dheu dhe rritje të nivelit të lumenjve në disa pjesë të ishullit Honshu.

LEXO EDHE:
Rusia veto ndaj rezolutës së SHBA për armët bërthamore

Shërbimi i motit tha se në qytetin Motojama, në ishullin Shikoku, ranë më tepër se 58 centimetra shi, brenda një periudhe 24-orëshe.

Rreth 48,000 zjarrfikës dhe forca policore u aktivizuan si përgjigje ndaj situatës së emergjencës.

Ministri i Mbrojtjes Itsunori Onodera tha se 21,000 trupa të tjera janë në gjendje gatishmërie.

Ndërsa banorët kërkonin strehim nga rrëshqitja e dheut, prodhuesit gjigandë të automobilëve, Mitsubishi dhe Mazda i ndaluan operacionet në disa uzina, ngaqë vërshimet shkatërruan rrugët e furnizimit dhe rrezikuan sigurinë e punëtorëve.

Të shtunën në mbrëmje, jugu i kryeqytetit Tokio u godit nga një tërmet me forcë 5,9 ballësh, që tronditi ndërtesat e qytetit. Nuk ka patur njoftime për dëme, apo të plagosur.

TAG:
• Japoni
• Rreshqitje dheu
• 49 te vdekur

Sondazhi i ditës:

Minimumi jetik në vend 184 euro për person, a është i mjaftueshëm?

• Po

  10.4%

• Jo

  85.6%

• Nuk e di

  4%

Vota total: 3233

• Sondazhi i ditës:

  Minimumi jetik në vend 184 euro për person, a është i mjaftueshëm?

  Po Jo Nuk e di