Superliga shqiptare mbylli këtë të martë javën e 14-të. Pesë sfida u zhvilluan në dy ditë, teksa dhjetë skuadrat nuk mundën të grumbullonin më shumë se dy mijë tifozë në total. Nëse Erzeni - Tirana u luajt në fushë neutrale, ishin disa tifozë që udhëtuan nga Shijaku për në Rrogozhinë. Veç Erzenit, edhe Kukësi - Skënderbeu u luajt në fushë neutrale, me stadiumin "Arena e Demave" që ishte bosh, aq sa dëgjoheshin trajnerët me udhëzimet e tyre.

Edhe në Laç mungonin tifozët, me stadiumin që dukej i akullt. Tifozët duket se kishin braktisur edhe Teutën në "Niko Dovana", me durrsakët që humbën 0-1 nga Vllaznia.

Ndërkohë që dje në kryeqytet u luajt derbi Partizani - Dinamo, interesi ishte i vakët. Kalendari dhe oraret e papërshtatshme, si edhe dyshimi te gara kanë bërë që Superliga shqiptare të zbehet dhe interesi i tifozëve të jetë i pakët.

Superliga shqiptare e futbollit, java 14-të:

E hënë, 27 nëntor 2023

Erzeni 1-0 Tirana

Partizani 0-0 Dinamo

E martë, 28 nëntor 2023

Kukësi 2-2 Skënderbeu

Laçi 0-2 Egnatia

Teuta 0-1 Vllaznia

Laçi 0-2 Egnatia

Teuta 0-1 Vllaznia