POP 5

Lajmet më të lexuara të 5 minutave të fundit

Politikë

Listat dhe koalicionet! Kim dhe Soreca i shkojnë Ramës në zyrë, zbulohen diskutimet në Kryeministri (VIDEO)

Kjo javë është tepër e rëndësishme përsa i përket reformës zgjedhore.

Dy ambasadorë, Yuri Kim e Amerikës dhe Luiggi Soreca i Bashkimit Europian, kanë zhvilluar sot një takim në kryeministri me Edi Ramën. Mësohet se ky takim ka zgjatur për rreth 60 minuta, ndërsa nuk dihet me saktësi se për çfarë është biseduar, por mendohet se mbledhja vjen për shkak të reformës zgjedhore.

Kjo është një javë shumë e rëndësishme përsa i përket kësaj reforme, pasi me datë 23 u votua në parlament marrëveshja e 5 qershorit, ndërkohë që me 30 korrik, po në kuvend, pritet të miratohen ndryshimet kushtetuese për Listat e Hapura dhe kualicionet parazgjedhore.

Së fundmi në këtë drejtim ka patur zhvillime edhe nga opozita e bashkuar, e cila kishte pretendimet e saj mbi listat e hapura dhe kualicionet parazgjedhore. PD dhe LSI janë gati të pranojnë listat e hapura, madje në masën 100%, por nuk pranojnë që të hiqen kualicionet parazgjedhore, një ndryshim që pritet të ndrodhë në datën 30 korrik kur mazhoranca dhe opozita parlamentare do ta votojnë në kuvend.

Pretendimi tjetër i opozitës së bashkuar se këto ndryshime nuk mund të bëhen pa ata, pasi kërkohet gjithëpërfshirje, është hedhur poshtë nga ndërkombëtarët, të cilët thanë se njohin ligjshmërinë e parlamentit aktual. Sakaq opozita e bashkuar ka nxjerrë edhe një tjetër pengesë, duke deklaruar se është vonë për të bërë këto ndryshime kushtetuese kur jemi një vit para zgjedhjeve.

1595840205_kimterama.jpg

Rendit zhvillimet sipas orarit:
Ora 11:46
Zyra e BE-së për takimin e Soreca-s në kryeministri: Ambasadori tani kërkoi zbatimin e marrëveshjes së 5 qershorit

Nga zyra e BE-së u zbuluan disa detaje rreth takimit të zhvilluar sot në kryeministri mes Ramës, Yuri Kim dhe Luigi Soreca-s. Sipas zyrës së BE-së takimi i ambasadorit zgjati për rreth 1 orë, ndërsa ai falënderoi kryeministrin për angazhimin e tij në miratimin e marrëveshjes së 5 Qershorit dhe e ftoi atë që të punojë me shpejtësi për zbatimin e saj.

Në të njëjtën kohë, ai mirëpriti vazhdimin e diskutimeve në Këshillin Politik në lidhje me ndryshimet shtesë, për të respektuar frymën dhe rezultatet e 5 qershorit. Gjithëpërfshirja është thelbësore kur bëhet fjalë për çështjet elektorale.

 

Ne.k./Shqiptarja.com

Ora 11:35
Takimi me Ramën në kryeministri, ambasada amerikane: Kim mori garanci për reformën, gjithëpërfshirje për ndryshimet kushtetuese

Ambasada amerikane ka reaguar pak çaste pas mbledhjes në kryeministri mes Ramës, Soreca-s dhe Yuri Kim. Ambasada konfirmon se takimi zgjati për rreth një orë, ndërsa Kim falenderoi kryeministrin për udhëheqjen e tij dhe sigurinë e dhënë për miratimin e marrëveshjes së 5 qershorit.

Sakaq Kim mirëpriti vazhdimin e dskutimeve të ndërsjellta në Këshillin Politik në lidhje me masat shtesë (ndryshimet kushtetuese). Në fund ambasada thekson rëndësinë që të gjitha palët të marrin pjesë në mirëbesim, në mënyrë gjithëpërfshirëse dhe transparente në miratimin e reformës.

Ne.k./Shqiptarja.com

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ola: 27/07/2020 11:46

    O zot ! Triunfoi maskarralleku,ja dhe amerika ha ha aha ,sa e koruptuar qe ,e bl;eu dhe ameriken meta,se keta tanet jane m. . . ,. rugac dhe ordinere hajduta rruga me mire larg votimeve

    Përgjigju
  • ela: 27/07/2020 11:43

    A mjer ne per mungesen e burrerise dhe shumicen e servilizmit nga ana e meshkujve shqiptare sidomos politikaneve,e ka fut ne thes dhe ameriken Ilir Meta ,te kesh blere gjithe shqiperine 28 mije km pse mos te blesh ca senatore te koruptuar mafjoz ne Amerike dhe ne Europe? rrofte Paraja,ska zot qe te hakmeret me ta ,jo.amerika eshte koke kembe e koruptuar.mbaroi bota,rroft maskaralleku, dhe bota e lige

    Përgjigju
  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Rritje graduale temperaturash dhe diell, parashikimi i motit për sot

Rritje graduale temperaturash dhe diell, parashikimi i motit për sot

24 Prill, 07:22