Kryetari i partisë ‘Mundësia’, Agron Shehaj po përpiqet që t’i bëjë vetes një vend në protestën qytetare. Madje, për tu bërë 1 me protestuesit, ai qëndis në bluzë dhe frazën ‘Anulo ligjin 21/2024’ për investimet në zonat e mbrojtura.

Protestuesi Dritan Nela, në profilin e tij në rrjete sociale, demaskon Shehajn, për të cilin thotë se për 2 vite në Kuvend, nuk e ka hapur gojën kundër këtij ligji, e sot që po sheh Evropën në Tiranë, po tregon solidaritet.

“A ka më kokërr mashtruesi se ky njeri. Agron Shehaj, politikan. Ka dy vite e 4 muaj që është bërë ai ligj dhe nuk e hapi gojën. Tani që po sjellim Evropën në Tiranë për tu kujdesur për atë ligj e ka vendosur këtu (stampën ‘Anulo ligjin 21 2024 të vendosur në krah). Ku marrin frymë këta njerëz. Ju lutem shqiptarë, ne e dimë që jemi të rrezikshëm, ky është mashtrues. Ka për ta vendosur dhe në ballë nesër. A keni shtyllë kurrizore, a keni familje, çfarë njerëzish jeni? Ai ligj është tradhtia e kombit ka 2 vite e tani e vendos në krah. S’di çfarë të them, më mungojnë fjalët”, tha Nela.

Sipas protestuesit, Shehaj shfaqet çdo mbrëmje në protestë, regjistron një video ku pretendon se qytetarët e duan kryeministër, e publikon në Instagram dhe më pas largohet.