Jetoi 5 vite në ambasadën italiane, pjesëtarja e parafundit e familjes Popa nuk lë shtëpinë e dëmtuar nga tërmeti (VIDEO)

Kur gjithë qytetin e Durrësit e ka mbërthyer paniku prej lëkundjeve të vazhdueshme të tërmetit që pasuan atë të 26 nëntorit, pjesa më e madhe e qytetarëve kanë braktisur banesat që mbetën të dëmtuara.

E kundërta ndodh me Ermioni Popën, 75-vjeçarja 'kokëfortë' refuzon të lërë banesën, pavarësisht se grupet e inspektimit e kanë konsideruar të pabanueshëm pallatin e saj duke i vënë shiritin e rrezikut.

"Unë jam e parafundit, po vdiqa un u mbyll. Këtë shtëpi na e dhanë për emergjencë sa të merrnim shtëpinë tonë", ka thënë Ermioni për gazetarin e Report Tv, Arsen Rusta.

Ermioni i përket familjes së famshme Popa që jetoi plot 5 vite në ambasadën italiane.

Familja Popa nga Durrësi pesë vite para se të niste eksodi i shqiptarëve ishin ngujuar në ambasadën italiane.

Protesta e tyre që përfundoi me largimin nga vendi drejt Italisë nëpërmjet një avioni të Kombeve të Bashkuara në maj të 1990,  i hapi rrugën hapjes së ambasadave të huaja në Tiranë për mijëra shqiptare te tjerë.

Familja Popa ishte internuar nga Durrësi në fshatin Kullë pasi babai i tyre ish-farmacist i njohur në Durrës ishte akuzuar si bashkëpunëtor i fashistëve italiane.

Ishte data 12 dhjetor i vitit 1985 kur 6 pjesëtarët e familjes Popa mundën të futeshin në ambasadën italiane në Tiranë, ku do të qëndronin për plot pesë vite, duke i shkaktuar jo pak telashe regjimit komunist.

Por gruaja nuk pranon ta lërë shtëpinë, ku është rritur të mbushur plot me kujtime, edhe pse është shpallur e pabanueshme.

Ermioni është një nga shumë qytetarë që nuk pranojnë të lënë shtëpinë e tyre duke rrezikur jetën.

Foto nga Ermioni brenda banesës

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon