Nuk kanë të sosur telashet për Justin Bieber. Këngëtari kanadez, Bieber gjithnjë gjendet në një telash, por një situatë aspak e këndëshme i ka ndodhur atij, teksa ka qenë duke drejtuar makinën e tij. Pop ylli kanadez ka goditur aksidentalisht një fotograf pasi është larguar nga kisha Hillsong në Los Anxhelos.

Fotografi është dëmtuar në trup, por ndodhet jashtë rrezikut për jetën. Bieber nuk ka qenë duke ecur me shpejtësi të lartë.

Ajo çka ra më së shumti në sy ishte gjesti që bëri ai. 23-vjecari ndali makinën për t’i dhënë ndihmën fotografit. Ai priti policinë derisa u mori dëshminë pasi u sigurua se ishte mirë, u largua.

Me këtë gjest e tregoi mjaft mirë që nuk kishte ndryshuar rrënjësisht nga ai Justin adoleshent që na u prezantua në fillim.

Redaksia Online 
E.S / shqiptarja.com