'Mbajti fshehur rastin e një sportisti me doping', Erkand Qerimaj 'shpërthen' kundër kreut të Peshëngritjes: Hajdut, bën turizëm me lekët e taksapaguesve

'Mbajti fshehur rastin e një sportisti me doping', Erkand Qerimaj 'shpërthen' kundër kreut të Peshëngritjes: Hajdut, bën turizëm me lekët e taksapaguesve

Erkand Qerimaj dhe Elez Gjoza

Erkand Qerimaj, peshëngritësi kampion ka akuzuar kreun e Federatës Shqiptare të Peshëngritjes, Elez Gjozën, se abuzon me fondet e taksapaguesve dhe prej 2013 e përdor këtë institucion për të bërë turizëm së bashku me familjen.

Shkodrani ngre akuza të rënda në reagimin e tij në kanalet e komunikimit, duke thënë se ka shumë skandale dhe e quan hajdut Elez Gjozën. Veç saj, Qerimaj tregon se FSHP ka mbajtur të fshehur një rast dopingu të një sportisti, kjo për të mbrojtur Federatën dhe vetë Gjozën.

"Skandali i fundit në Federatën e Peshëngritjes, rasti i fundit i një rasti sportist që është kapur me doping eshte mbajtur i fshehur nga federata dhe institucionet per te mbrojtur Federaten dhe Elezin. Mendimi  është që urgjentisht Elez Gjoza të japë dorëheqjen e të bëhen zgjedhje të reja. Drejton Federatën që në vitin 2013 dhe ka bërë 3 mandate me shumë skandale. Fondi dhe Federata është për sportistët e tranjerët, jo për të shkuar në xhepat e mëdhenj të presidentit. Ku realizon turizëm me njerëzit e familjes me lekët e taksapaguesve! Shporru nga Federata hajdut", shkruan shkodrani në kanalet e komunikimit.

Akuza të rënda nga Qerimaj, që në Kampionatin Europian të zhvilluar së fundmi në Bullgari zuri vendin e tretë në stilin e shkëputjes dhe i solli Shqipërisë medaljen e radhës, atë të argjendtë.

Postimi i Erkand Qerimaj

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Media amerikane: Raketat e lëshuara nga Izraeli kundër Iranit kanë teknologji për t'iu shmangur radarëve

Media amerikane: Raketat e lëshuara nga Izraeli kundër Iranit kanë teknologji për t'iu shmangur radarëve