Anëtari i Kryesisë së Partisë Demokratike, Fatbardh Kadilli, i cili shpalli edhe kandidaturën e tij për kryetar të PD, tha se problemi me Lulzim Bashën në 8 vite drejtim në krye të PD i solli asaj vetëm humbje duke u kthyer në një person të pabesueshme që ka fytyrën e humbjes dhe jo shpresës për një qeverisje më të mirë. Në një intervistë për Report Tv, Kadilli tha se Basha e ka djegur mundësinë e rikandidimit në zgjedhjet për kreun e PD dhe se po e çon partinë në një spirale zbritëse duke e mbyllur ciklin e tij politik.
“Basha më rezultatin e 25 prillit mbylli ciklin e tij politik, atë trajektore që ka diçka të re për t’i thënë politikës. Basha ka pasur disa raste të rëndësishme dhe drejtimin e PD për të ekspozuar se sa i zoti është dhe rezultati është negativ dhe më i miri është rezultati i 2015 pas atij momenti devijoi totalisht në aspekt personal dhe aspak politik. Se Basha do zvarritet në politikë ky është vendim i tij. Jam parimisht kundër kufizimit të drejtës për të rikandiduar, Basha e dogji mundësinë e rikandidimit. Pushteti nuk ndërrohet se mbaron turni, sepse opozita nuk mund të jetë kalkulim. Opozita e tij u konceptua si një opozitë që lufton për një vend të dytë. Që në nisje ai është gabim në koncept. Ky vend ka nevojë për ofertë serioze dhe njerëz të besueshëm. Është i padenjë për një lider opozite. PD ka minimumi 1000 veta se Basha dhe se unë, puna është se kush merr kurajën të propozojë diçka të re. Me këtë rrugë të Bashës do shkojmë në spirale zbritëse vetëm shpejtësinë nuk e dimë ende si do ndodh, unë marr perisper ta ngre këtë parti.Kryetari i partisë nuk bën inventarizuesin e vjedhjes dhe unë nuk kam një kryetar parti që të bëj inventarin që më vodhën 200 vota këtu e 100 atje. ”, tha Kadilli.
Në lidhje me zgjedhjet për kryetarin e ri të PD më 13 qershor, Kadilli tha se ka një asimetri të madhe pasi Basha ka një makineri elektorale në dispozicion dhe këtë e bënë atë të pabarabartë përpara kandidatëve të tjerë. Megjithatë tha Kadilli ai gëzon mbështetjen morale të demokratëve dhe shpreson që demokratët të votojnë me moral dhe koncepte politike dhe jo për të mos ia prishur liderit aktual.
“Është një garë asimetrie totale nga pikëpamja e mjeteve për të bërë fushatë pasi Basha ka ngritur një makineri të madhe elektorale përballë Ramës dhe atë makineri tani e ka në dispozicion edhe për zgjedhjet për kandidatët këtë herë. Unë gëzoj asimetrinë morale dhe moralisht demokratë janë me mua dhe jo e Lulzim Bashës që është fytyra e humbjes. Shpresoj se ky moral të zgjojë instinktin politik të demokratëve dhe jo atë instinkt për të mos ia prishur liderit, por të shohin veten si lider”, përfundoi Kadilli.
Anëtari i Kryesisë së Partisë Demokratike, Fatbardh Kadilli gjatë intervistës për Report Tv, tha se Basha nuk është një lider që ngjallë shpresë dhe të bëhet një figurë e besueshme për qytetarët, por ka bërë që votuesit “ta sheshin për një thasë me miell’. Sipas Kadillit nuk vihet në pushtet me premtimin se do rrisësh rogat, por me alternativat se ti mund të qeverisësh më mirë. Kadilli tha se kërkon një PD pa njolla dhe t’ia kthejë atë qytetarëve.
“Shpresa më e mirë vjen kur ti jep garancitë e duhura që do të qeverisësh mirë, jo se do i u rrisësh rrogën. Basha ishte i pabesueshëm pasi çdo kauzë e lë përgjysmë dhe i jep një shembull të keq qytetarit se ti nuk i bën ato që premton. Kjo parti duhet ta bënte individin më të mirë politikisht dhe të mos e shkëmbenin Lulzim Bashën për thes me miell. Ana morale do të më bëjë fitues. Besoj se nga mbledhjet e mbrëmshme të Këshillit Kombëtar, ata u zhgënjyen edhe vetë. PD-ja ime është ndryshe, është detyrim për një lider që të respektojë kontributet, partia duhet të jetë e pastër dhe pa njolla”, tha Kadilli
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
Shume interesant eshte interesi medias tuaj per problemet e pd... ka 8 vite dhe besoj dhe 4 te ardhshmet qe media juaj ka kryelajme sa keq eshte pd sa jo e lire eshte pd sa probleme i sjell vendit pd sa armike me ambasadat eshte pd sa eshte pasuruar kreu i pd etj etj fiks lajme qe kane te bejne me qeverisjen e vendit... jeni media me e besuar ne vend urime
PërgjigjuNese PD ka nje shanc per ringritje, ky shanc eshte tani. Nuk e di nese Kadilli do te mundet te bashkoje kete parti qe ka shume ndarje per shkaqe xhelozie dhe inatesh per llokmat qe do te marrin (nese vijne ne pushtet). Kadilli ne krahasim me Lulin, por edhe shume te tjere, ka nje karizme dhe kurajo te vecante. Nuk eshte e lehte te marresh guximin per kandidim duke patur parasysh situaten ne te cilen gjendet PD, dhe per me teper qe shume fije komandohen nga plaku Mere dhe sypeshkaqeni. Frika shtohet edhe me teper kur merret parasysh qe cdokush qe eshte ngritur per te kapur majen, ka lene kete bote. Pac fat Kadilli, te heq kapelen per kurajon.