Kampionët e Shqipërisë mbeten pa kapiten, Marsel Ismajlgeci kalon në Bosnjë

Kampionët e Shqipërisë mbeten pa kapiten, Marsel Ismajlgeci kalon në Bosnjë

Marsel Ismajlgeci me fanellën e Zrinjski

Marsel Ismajlgeci është futbollisti më i ri i Zrinjski Mostar në Bosnjë dhe Hercegovinë. Kapiteni i Tiranës ka firmosur deri në verën e 2026 me ekipin e ri, duke lënë kampionët në fuqi të Shqipërisë në ditën e fundit të merkatos.

I dalë nga moshat e bardhebluve, mbrojtësi 22-vjeçar ka bërë 122 paraqitje me Tiranën, duke shënuar edhe 10 gola dhe dhënë 14 pasime finale. I "graduar" me shiritin e kapitenit në krah, lëvizja e Ismajlgecit në një kampionat me nivel më të ulët se Superliga jonë duket si surprizë, teksa termat financiar personal kanë bindur mëngjarashin e Kombëtares (2 paraqitje).

“Jemi të kënaqur me angazhimin e Marsel Ismailgecit, sepse një lojtar i cilësive të tij përputhet me strategjinë dhe synimet tona. Ne do të vazhdojmë të forcojmë ekipin tonë për të përmbushur pritshmëritë dhe për të kapur arritjet e planifikuara”, tha Amir Gross që mban postin e zëvendës presidentit te Zrinjski.

Tirana dhe Zrinjski u përballën në fazën e dytë kualifikuese në Champions League gjatë verës së shkuar, me boshnjakët që lënë Tiranën pa "kapiten".

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?



×

Lajmi i fundit

Lamtumira për Ismail Kadarenë/ Helena me të zeza mbërrin në TKOB e shoqëron Veliaj

Lamtumira për Ismail Kadarenë/ Helena me të zeza mbërrin në TKOB e shoqëron Veliaj