Kanada, nis samiti i përvitshëm i G7, priten debate të forta me SHBA për tarifat e çelikut

Kanadaja është organizatore e samit të përvitshëm të G7-s ku parashikohen debate të ashpra mes udhëheqësve të vendeve europiane dhe presidentit Trump. Tema më kryesore e axhendës së samitit janë tarifat tregtare të ndryshuara për çelikun dhe aluminin nga SHBA.
Vendet e G7 pritet të diskutojnë edhe për një temë tjetër të nxehtë që lidhet me marrëveshjen bërthamore me Iranin dhe atë të Parisit mbi ndryshimet klimatike.

Vendet e G7-s janë Kanadaja, Franca, Shtetet e Bashkuara të Amerikës, Britania e Madhe, Italia, Japonia dhe Gjermania. Samiti i sivjetshëm mbahet në La Malbaie të Quebecut. Përpara nisjes së Samitit në një mesazh të postuar në“Twitter” presidenti francez Macron thotë se nëse Trump dëshiron të mbetet i izoluar, atëherë 6 kombet e tjera do të nënshkruanin marrëveshjen mes tyre, në rast nevoje.

“Sepse këto 6 vende përfaqësojnë vlerat, një treg të përbashkët me peshën e historisë mbi shpatulla, e që tashmë përbën realisht një forcë të vërtetë ndërkombëtare”, thekson presidenti francez.

Sikurse edhe në samitet e shkuara mijëra protestues shprehën revoltën e tyre mesnatën e së enjtes në Quebec duke djegur flamuj amerikanë dhe të grupit të më të industrializuarve. Për të siguruar samitin e G7 policia kanadeze sëbashku me forcat e ushtrisë kanë përfshirë 8.000 forca.

TAG:
• kanada
• vendet e G7

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.3%

• Keq

  60.6%

• Nuk e di

  14.1%

Vota total: 1578

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di