Kanë mbetur jashtë kufinjve, Cakaj: Kategoritë që përfitojnë nga riatdhesimi

Ministri për Evropën dhe Punët e Jashtme, Gent Cakaj, ka sqaruar edhe njëherë kategoritë të cilët do të përfitojnë riatdhësimin, operacion i nisur nga dje ku fillimisht erdhën shqiptarët nga Italia dhe Kroacia.

Sipas Cakajt kategoritë që do të përfitojnë nga riatdhësimi janë studentët, rastet humanitare apo personat me nevoja të veçanta, si dhe shtetasit me qëndrim mbi 90 ditë në vendet ku janë bllokuar.

Postimi i Gent Cakajt:

Pas mbështetjes dhënë Italisë mike, dje kemi kryer edhe operacionet e para të riatdhesimit të shqiptarëve të mbetur në Itali dhe Kroaci.

Këto operacione do të vijojnë për t'i riatdhesuar shqiptarët e bllokuar në hapësirën evropiane për shkak të masave të marra në luftën kundër COVID-19.

Kthimi do të mundësohet për studentet, rastet humanitare apo me nevoja të veçanta dhe për shtetasit shqiptarë me qëndrim mbi 90 ditë në vendet ku janë bllokuar.

Për më shumë informacion: KLIKONI KETU

Lajmi kryesor:

Rama: Listat e shqiptarëve që do të kthehen në atdhe janë MBYLLUR! Mos u mundoni më të gjeni vend në avion

Ne.k./G.M./Shqiptarja.com

TAG:
• riatdhesim
• Gent Cakaj
• koronavirusi ne shqiperi