POP 5

Lajmet më të lexuara të 5 minutave të fundit

Kronikë

Shkodër/ Kapen 3.4 kg kokainë në Muriqan, në pranga i riu! Drogën e fshehu në tavanin e makinës (VIDEO)

Sekuestrohen 3.4 kg kokainë në një furgon që po hynte në Shqipëri nga pika e kalimit kufitar Muriqan. Drejtuesi i automjetit, një 32-vjeçar nga Lushnja, u arrestua në flagrancë. Droga ishte e ndarë në 3 pako dhe e fshehur në tavanin e makinës.

MURIQAN- Një sasi prej 3.4 kg kokainë është sekuestruar në pikën kufitare të Muriqanit, ndërsa drejtuesi i furgonit ku transportohej droga është arrestuar. Në furgon u gjetën gjithashtu 60 shishe pije alkoolike dhe një televizor, që dyshohet se ishin kontrabanduar.

Gjatë operacionit u arrestua Adriatik Rrasa, 32 vjeç, banues në Lushnjë, i cili drejtonte furgonin ku u gjetën droga. Siç shihet edhe në video, droga ishte e ndarë në tre pako dhe i riu e kishte fshehur në tavanin e makinës. Policia ka ushtruar kontroll në makinë me qen antidrogë, çka çoi edhe në zbulimin e drogës së fshehur në tavanin e makinës.

“Si rezultat i intensifikimit të punës dhe kontrolleve në hyrje/dalje të vendit, me objektiva parandalimin dhe goditjen e krimeve kufitare, lëvizjen e sigurt të shtetasve, si dhe eliminimin e radhës gjatë kësaj periudhe festive, shërbimet e PKK Muriqan, në bashkëpunim me Seksionin për Hetimin e Narkotikëve të DVP Shkodër, finalizuan operacionin policor të koduar “Pakot”.

Gjatë operacionit u kap në flagrancë dhe u arrestua shtetasi Adriatik  Rrasa, 32 vjeç, banues në Lushnjë.

Nga kontrolli i kryer në furgonin që drejtonte 32-vjeçari, në hyrje të Shqipërisë, u gjetën 3.430 kg Kokainë, e ndarë në 3 pako. Gjithashtu, u gjetën 60 shishe me pije alkoolike dhe 1 televizor, që dyshohet se janë të kontrabanduara, pasi nuk ishin të pajisura me fatura blerjeje”, njofton policia.

Automjeti, lënda narkotike dhe mallrat e kontrabanduara u sekuestruan nga policia si prova materiale. Operacioni, i koduar “Pakot”, u zhvillua nga Policia Kufitare në bashkëpunim me Seksionin për Hetimin e Narkotikëve të DVP Shkodër.

Materialet hetimore i janë dorëzuar Prokurorisë së Shkodrës për veprime të mëtejshme.

Kontrollet me qen anti-drogë dhe kokaina e fshehur në tavanin e makinës

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53