Policia e Tiranës ka vënë në pranga një shtetas të shpallur në kërkim ndërkombëtar që prej vitit 2009, pasi rezulton i dënuar me 10 vite e 8 muaj e 20 ditë burgim.

I arrestuari është Ergus Jaupaj, 46 vjeç, banues në Tiranë.

Ky shtetas u ndalua, për arsye se ishte i shpallur në kërkim ndërkombëtar, pasi Gjykata e Romës/Itali, me vendimin Gjyqësor të datës 22.09.2009, e ka dënuar me 10 vjet, 8 muaj dhe 20 ditë në burg, për kryerjen e veprave penale të, "Rrëmbimit/heqjes së paligjshme të lirisë", "Përdhunimit" dhe "Vjedhjes me armë në bashkëpunim", parashikuar nga Nenet 110, 614, 605, 628, 609, të Kodit Penal Italian. 

Ky shtetas ndodhet në dhomat e paraburgimit në Drejtorinë Vendore të Policisë Tiranë, në pritje të eksatradimit drejt Italisë.

Redaksia Online
l.q/Shqiptarja.com