KATAR 2022/ 'Botërori No Stop', gjithë golat e ndeshjeve të 28 nëntorit (VIDEO)

Çdo mbrëmje në orën 11:00, në emisionin ‘Botërori, No Stop’ në Report Tv do të keni mundësi që të ndiqni momente më pikante të çdo sfide të kampionatit botëror ‘Katar 2022’. Janë zhvilluar plot 4 ndeshje dhe rezultatet janë si më poshtë.

Serbia dhe Kameruni kanë ndarë pikët gjatë ndeshjes së djeshme duke përfunduar me rezultatin 3-3 pavarësisht se deri në minutën e 62 skuadra ballkanike udhëhiqte me rezultatin 3-1.

Sakaq për grupin H Gana mori një fitore jetike kundër Koresë së Jugut. Afrikanët fituan 3-2, por më herët shpërdoruan një avantazh prej dy golash. Heroi i Ganës ishte mesfushori Kuduz, i cili kundër aziatikëve realizoi ‘dopietë’.

Brazili është bërë skuadra e dytë në Botërorin e Katarit që siguron kualifikimin në turin e 1/8. Kjo sepse ‘seleçao’ mposhti 1-0 Zvicrën në ndeshjen e dytë të grupit G. Për të parë golin e vetëm të sfidës u desh të pritej shumë, pasi Casemiro realizoi në mënyrë spektakolare vetëm në minutën e 83. Ndeshja e fundit në grup për Zvicrën do jetë ‘jetë a vdekje’ kundër Serbisë që aktualisht renditet në vendin e fundit të grupit.

Si Neymar ashtu edhe Shaqiri, munguan në kombëtaret respektive për shkaqe dëmtimi.

Portugalia është bërë skuadra e tretë që është kualifikuar në turin e 1/8. Portugezët mposhtën me rezultatin 2-0 Uruguain që tashmë renditet në vendin e fundit të grupit H dhe kualifikimi i tyre mund të realizohet vetëm nëse fitojnë kundër Ganës në rastin kur Portugalia mposht Korenë e Veriut.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Berisha do të pyetet për çështjen Gërdeci?



×

Lajmi i fundit

Teoria e budallallëkut/ Përse duhet të kemi më shumë frikë budallenjtë, se sa horrat

Teoria e budallallëkut/ Përse duhet të kemi më shumë frikë budallenjtë, se sa horrat