POP 5

Lajmet më të lexuara të 5 minutave të fundit

Arkiva

Kembim valutor/ 3-Mujori -Leku u shvlerësua me 1,8%

TIRANE, 18 Maj /ATSH/- Në tregun e këmbimit valutor vendas, monedha vendase është karakterizuar nga presione nënçmuese në rritje, nën ndikimin e faktorëve kryesisht të jashtëm, në tremujorin e parë të vitit 2015, bëri të ditur Banka e Shqipërisë në raportin e publikuar së fundi mbi “Politikën monetare në 3-mujorin e parë 2015″. Sipas BSH-së, indeksi […]
Në tregun e këmbimit valutor vendas, monedha vendase është karakterizuar nga presione nënçmuese në rritje, nën ndikimin e faktorëve kryesisht të jashtëm, në tremujorin e parë të vitit 2015, bëri të ditur Banka e Shqipërisë në raportin e publikuar së fundi mbi "Politikën monetare në 3-mujorin e parë 2015?.
Sipas BSH-së, indeksi NEER, (kursi nominal efektiv i këmbimit kundrejt monedhave të pesë partnerëve tregtarë kryesorë, Itali, Greqi, Gjermani, Turqi dhe Kine) tregoi për një nënçmim të lekut me 3.0% në terma vjetorë, vlera më e lartë që prej muajit nëntor 2010. Ndërkohë, në raport me tremujorin e kaluar, nënçmimi rezultoi në masën 1.8%. Kontributin më të madh në këtë ecuri e dha forcimi i vazhdueshëm i dollarit amerikan në tregjet financiare, citon BSH-së.
Paralelisht me zhvillimet e lartpërmendura,indeksi i presioneve në tregun valutor rezultoi në rritje, ndonëse ka vazhduar të qëndrojë poshtë mesatares së tij historike.Kursi mesatar i këmbimit euro/lek rezultoi 140.2 lekë në tremujorin e parë, duke nënkuptuar një mbiçmim me 0.1% në terma vjetorë dhe një nënçmim me 0.4% në terma tremujorë. Gjatë këtij tremujori, kursi euro/lek është luhatur në një interval të ngushtë prej 139.6-140.6 lekësh, duke u tregtuar në nivele më larta në muajt shkurt-mars.
Pikërisht në këtë periudhë, kërkesa për valutë është shfaqur në rritje, nxitur si nga agjentët publikë ashtu edhe nga ata privatë të tregut. Përballë kësaj dinamike, oferta për valutë është shfaqur më e dobët.
Në linjë edhe me zhvillimet në tregjet valutore ndërkombëtare, për të tetin muaj radhazi, dollari amerikan vazhdoi të forcohet dukshëm ndaj monedhës vendase, si në terma vjetorë (21.6%) ashtu edhe në ato tremujorë (11.4%). Në këtë periudhë, 1 usd u tregtua mesatarisht me 124.6 lekë, duke shënuar një vlerë të re historike për 12 vitet e fundit./atsh/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55