POP 5

Lajmet më të lexuara të 5 minutave të fundit

Kronikë

Rastet e keqtrajtimit të kafshëve të egra/Veterineri: Mos i vrisni, fermerët të përdorin gardhet elektrikë

Keqtrajtimet e kafshëve të egra, nga banorë që ndihen të rrezikuar mund të evitohen duke marrë disa masa paraprake. Veterinerë të Albanian Wildlife Rescue Team, shprehen se qytetarët mund të ndërtojnë gardhe elektrike, duke evituar kështu vrasjen e specieve të egra, që janë një pasuri për Shqipërinë.

Rastet e keqtrajtimit të kafshëve të egra, duket se po shtohen në Shqipëri, ku vetëm një javë më parë u publikuan pamjet e torturimit të një ujku në Mat dhe një ariu në Kukës, nga banorët.

Ndërkohë që banorët shprehen të shqetësuar sepse po rrezikohet jeta e tyre, pasi kohët e fundit numri i ujqërve është shtuar shumë, nuk ka munguar as reagimi i shoqatave të mbrotjes së kafshëve lidhur me këtë çështje.

Ariel Vasili, veteriner i Albanian Wildlife Rescue Team shprehet për Report Tv se qytetarët duhet të dinë se në rastet që ndihen të rrezikuar nga kafshët e egra, mund ti largojnë, duke njoftuar instanca shtetërore apo private, pa pasur nevojë për ti vrarë.

“Ka instanca shtetërore dhe private që mund të bëjnë në raste që njerëzit rrezikohen  nga një kafshë e egër e cila i është afruar ambienteve të tyre private, mund të bëhet largimi i kafshës pa pasur nevojë për ta dëmtuar ose për ta vrare sic rëndom ndodhë në Shqipëri. Fermerët mund të rrethojnë ambientet e tyre me gardhe elektrikë dhe nëse janë fermerë të ligjshëm dhe të regjistruar mund të përdorin fondet e Bashkimit Europian për të mbuluar shpenzimet e këtij rrethimi. Kjo bën të mundur që të ketë sa më pak konflikt në ambientet e tyre private me kafshët e egra, kështu që ruajmë kafshët e egra që janë pasuri në Shqipëri”-u shpreh Ariel Vasili  

Në Shqipëri janë të pakta studimet për kafshët e egra, duke mos pasur kështu një numër të saktë të tyre. Veterineri i AWRT,  Blandi Mustafai thotë se kafshët e egra duhet të shihen si aset kombëtar dhe ekonomik.

“Në cdo vend të botës këto kafshë të egra shihen si aset kombëtar, si aset ekonomik. Ka njerëz nga e gjithë bota që udhëtojnë vetëm për të vizituar vende të tilla sic janë parqet tona kombëtare që kanë akoma jetë endemike si ujqër, arinjë, shqiponja, lloj lloj kafshësh, rrëqebull dhe lloje kafshësh të tjera që janë dhe në rrezik zhdukje. Është me të vërtet aset ekonomik”-tha Blandi Mustafai

Kafshët e egra janë një pasuri kombëtare për Shqipërinë, si një ndër të pakta vende ballkanike që ende ka gjallesa të tilla.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Egi: 19/11/2019 15:36

    Ç'është nevoja për gjithë këtë dhunë...bëjnë dhe video...

    Përgjigju
  • yyy: 19/11/2019 10:47

    Kur eshte puna per vetmbrojte dhe njerezit vrasin njeri tjetrin

    Përgjigju
  • Banori: 19/11/2019 09:31

    Banorë bajga kriminelë!

    Përgjigju
  • Kafsha: 18/11/2019 21:46

    Ti vihet nje gardh elektrik ketyre njerzve se kafshet jane me te mira se ata.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Gati shqipe', turi me diasporën, Rama sot takim me shqiptarët e Londrës! Pamje nga salla

'Gati shqipe', turi me diasporën, Rama sot takim me shqiptarët e Londrës! Pamje nga salla

24 Nëntor, 07:10