Kryepolici Haki Çako pritet që në fillim javë të paraqitet në Prokurorinë e Krimeve të Rënda për të dëshmuar në lidhje me kërcënimin nga Emiliano Shullazi të akademikëve Mynyr Konit e Dhori Kule.

Dëshmija e Çakos pritet të merret pas asaj të ish-Ministrit të Brendshëm, Saimir Tahiri, dhe dëshmisë së Drejtorit të Policisë së Tiranës, Ervin Hodaj.

Ka qenë vendimi i prokurorëve Elisabeta Imeraj dhe Eneid Nakuçi për të firmosur fletëthirrjen ndaj Çakos.

Burime për Report Tv nga Krimet e Rënda po ashtu sqaruan se deklarimi i Çakos konsiderohet deçiziv për të zbardhur të gjithë operacionin e policisë që çoi në prangosjen e të dyshuarve për kërcënimin e rektorëve. 

Redaksia Online
l.q/Shqiptarja.com