POP 5

Lajmet më të lexuara të 5 minutave të fundit

Kronikë

Kërcënimi ndaj Bashës, rrëfehet 
Shullazi: S'e njoh Voltana Ademin

Burime nga prokuroria kanë bërë me dije për A1report se Shullazi është marrë në pyetje i vetëm pa paraninë e avokatit të tij por ende nuk bëhet me dije nëse ai pranuar apo jo kërcënimin ndaj Bashës
Kërcënimi ndaj Bashes, Shullazi nuk paraqitet në Prokurori
Kërcënimi ndaj Bashës, rrëfehet <br />Shullazi: S'e njoh Voltana Ademin
TIRANE- “Nuk mbaj mend asgjë për këto që po më pyesni. Unë kam qenë i plagosur dhe në ato ditë nuk kam lëvizur aq shumë dhe nuk i mbaj mend lokalet në të cilat kam qëndruar. Nuk di të kem komunikuar me ndonjë femër dhe t’i kem thënë fjalë kërcënuese për Lulzim Bashën.

Di që funksionarë të lartë të Partisë Demokratike ma kanë përmendur emrin, por unë asnjëherë nuk kam nisur mesazh për asnjërin prej tyre”. Ky ka qenë rrëfimi i bërë në Prokurori nga Emiljano Shullazi, i cili ka vendosur të shkojë për t`u pyetur kur të donte ai dhe jo kur është thirrur për të dëshmuar nga Prokuroria.

Nga të dhënat paraprake që vijnë nga organi i hetimit, bëhet me dije se Shullazi, ka qëndruar për rreth 1 orë në ambientet e prokurorisë, ka dhënë të gjitha deklarimet që i janë kërkuar nga Oficerët e Policisë Gjyqësore dhe më pas është larguar. Sipas burimeve, mësohet se Shullazi ka mohuar kategorikisht të kishte biseduar ndonjëherë me ndonjë femër me emrin Voltana Ademi, ndërsa nuk mbante mend asgjë nga ajo skenë për të cilën është kallëzuar në prokurori nga deputetja e PD-së.

Kërcënimi 
‘Thuaj kryetarit tënd, Basha, të mos ma përmend emrin, ndryshe thuaj mos të guxojë të dalë në papafingo’. Ky ishte mesazhi që përcolli Voltana Ademi në prokurori për Lulzim Bashën, kreun e PD-së dhe njëherësh kreun e Bashkisë së Tiranës. Kjo përballje, ndodhi vetëm pak ditë, pasi Shullazi i shpëtoi një atentati me breshëri armësh në Qafë-Kashar, ndërsa në Tiranë, një grup tjetër kishte mësyer shokët e tij në një lokal në rrugën e Kavajës.

Po ndërsa policia nuk mundi të zbardhte asnjërin nga atentatet, mësohet se tashmë edhe beteja për të vërtetuar praninë e Shullazit në ambientet e atij lokali ku ka qenë e pranishme edhe deputetja e opozitës, është e humbur. Lokali nuk ka patur kamera sigurie, për shkak se aty kanë qenë në veprime inspektorët e INUK. Megjithatë, pritet të pyetën rreth 10 persona të tjerë.


Shkrimi u botua në Shqiptarja.com (print) në 5 shkurt 2015

Redaksia Online
(d.a/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46