Kërkesa e Prokurorisë së Posaçme (SPAK), për autorizimin e Kuvendit për masë arresti ndaj Sali Berishës nën akuzën e korrupsionit pasiv lidhur me privatizimin e kompleksit 'Partizani', ka qenë në qendër të zhvillimeve politike në vend gjatë ditës së sotme.
Për të folur mbi këtë kërkesë, i ftuar në “Frontline Intervieë” me Marsela Karapançon në Report Tv, ka qenë juristi Romeo Kara. Duke komentuar faktorët që e sollën këtë kërkesë të Prokurorisë së Posaçme, Kara tha se Berisha nuk u la rrugë tjetër organeve të drejtësisë pasi nuk po zbatonte vendimin e gjykatës për “detyrim paraqitje”.
Teksa foli për masën e arrestit që mund të caktohet ndaj Berishës, Kara tha se nëse i caktohet ‘arrest shtëpiak’ dhe ish-kryeministri vijon të cënojë integritetin e procesit, atëherë do të vijohet me masën ‘arrest me burg’ ndaj tij.
“Shkaku që u arrit në këtë masë, ka qenë refuzimi i hershëm i Berishës duke mos zbatuar vendimin e gjykatës nuk i ka lënë organeve të drejtësisë asnjë rrugë tjetër veçse të shkojnë në masën e fundit. Besoj do fillojë kontrolli i banesës. Ai e rëndoi vetë masën. Nëse do kemi një masë me arrest shtëpie dhe personi në fjalë do përpiqet të përdorë politikën kundër procesit, nuk është çudi të kemi arrest me burg. Nëse ai kërkon që edhe duke qenë në shtëpi të cënojë integritetin e procesit nuk është çudi që t’i ashpërsohet masa dhe t’i caktohet arrest me burg”- tha Kara.
Nga ana tjetër, juristi i PD, Franc Nuri e cilësoi kërkesën si antikushtetuese duke nënvizuar se sipas tij, vetë masa “detyrim paraqitje” e marrë nga GJKKO për Berishën ishte jo-kushtetuese pasi nuk u mor autorizimi nga Kuvendi si fillim.
“Është për të ardhur keq që gjykata dhe prokuroria në Shqipëri nuk zbatojnë kushtetutën e republikës. Vendimi ndaj Berishës, është një vendim që tenton ta penalizojë atë vetëm se nuk ka zbatuar një vendim antikushtetues. Është kërkuar heqja dhe kufizimi i lirisë së një deputeti me 2 masa shtrënguese personale si detyrimi për t’u paraqitur dhe ndalimi për të dalë jashtë shtetit pa marrë autorizimin e Kuvendit siç e përcakton Kushtetuta”- tha Nuri.
Ky i fundit, u shpreh se nuk mund të caktohet masë "arrest me burg" për Berishën pasi Kodi Penal nuk e lejon diçka të tillë për personat mbi 75 vjeç përveç në rastin kur këta të fundit, kanë kryer vrasje dhe janë kapur në flagrancë.
Sot Prokuroria e Posaçme dërgoi në SPAK relacionin ku kërkohej autorizimi për heqjen e lirisë së Sali Berishës duke qenë se ky i fundit nuk respektoi 3 herë rradhazi vendimin e GJKKO “detyrim paraqitje” si person nën hetim për korrupsion pasiv për aferën “Partizani”. Ndaj Berishës mund të caktohet masë “arrest me burg” ose “arrest shtëpie”. Ndërsa vetë ish-kryeministri la të kuptohej se deputetët të cilët e mbështesin nuk do ta votojnë kërkesën e SPAK. Këshilli i Mandateve do të mblidhet në datën 18 dhjetor në orën 12:00 për të shqyrtuar kërkesën e Prokurorisë së Posaçme për autorizimin e heqjes së lirisë së Berishës.
Duke rrëfyer një bisedë që kishte pasur në Berishën kur ky i fundit ka qenë në postin e presidentit, juristi Romeo Kara tha në “Frontline Intervieë” se kreu i Rithemelimit nuk i pëlqente personat me ideale demokracie.
Ndërsa sa i takon thirrjeve të Berishës për “mosbindje civile”, Kara tha se ish-kryeministri do të marrë me vete edhe disa persona të tjerë duke u përpjekur të dalë nga situata ku ndodhet.
“E njoh personin që nga 14 dhjetori i vitit 90 dhe kam biseduar me të. Jam përballur me të kur ka qenë në majë fare të pushtetit, kur u bë president. Në një debat me të, më ka thënë se problemi im më i madh ishte që kam një ideal demokracie në kokë. Ai nuk ka bërë zullum pa bërë, madje i ka shtyrë edhe fëmijët e tij. Mosbindje civile është të marrësh risk të përballesh me ndëshkimin,. Berisha do vetëm e vetëm të dalë nga ky hall ku e ka futur veten. Jam i bindur që bashkë me veten do marrë edhe disa të tjerë”- tha juristi.
Juristi Romeo Kara, i ftuar në “Frontline Interview” ku foli për kërkesën e SPAK për arrestimin e Sali Berishës tha se me veprimet e tij, duke refuzuar të paraqitej në Prokurorinë e Posaçme për masën “detyrim paraqitje”, por mbjell destabilitet duke bërë që edhe njerëzit të mos i binden më vendimeve të gjykatës.
“Ky po mbjell destabilitet që njerëzit të mos i binden më vendimit të gjykatës. Po e djeg parlamentin që të mos shkojë më atje, se nuk i intereson atij kërkesa e opozitës për komisionet hetimore.
Oligarkët e tij, po i hyjnë Ramës nëpër këmbë, pasuria e tij i është shtuar gjithë këto vite. Ky zotëri kur e pa veten para kësaj situate, prit se do kthehem në Kuvend e do bëj opozitë”- tha Kara.
Ndërsa sa i takon dënimit për akuzat që rëndojnë ndaj Berishës, juristi tha se vetëm për pastrim parash, Berisha rrezikon që më së paku të dënohet me 15 vite burg.
“Minimumi vetëm për pastrimin e parave do ketë 15 vjet. Pastaj të tjerat që shtohen, korrupsion, konflikt interesin dikim të paligjshëm etj. Pra për këto 25 vite është minimumi” shtoi Kara.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Cfare arrest shtepie per kriminelin, kapeni futeni ne qeli qe ti prese festat ne shoqerine e minjve.
Përgjigju