Thirrjet për mbylljen e Gjykatës Speciale, të cilat u shtuan pas dënimit të katër ish-krerëve të UÇK-së, kanë marrë një përgjigje nga Haga. Zyra e Prokurorit të Specializuar lë të kuptohet se mandati i saj nuk përfundon me kërkesa politike, por vetëm pasi të kenë përfunduar të gjitha hetimet dhe procedurat që burojnë prej tyre, çka më pas i njoftohet zyrtarisht institucioneve të Kosovës nga Këshilli i Bashkimit Evropian.

“Mandati i Zyrës së Prokurorit të Specializuar vazhdon derisa Këshilli i Bashkimit Evropian t’i njoftojë institucionet e Kosovës se hetimet dhe çdo procedurë që rrjedh prej tyre kanë përfunduar”, sqaron ai në një përgjigje për Radion Evropa e Lirë.