Pas rektorëve, edhe sindikatat e arsimit të Lartë kërkojnë që qeveria të tërhiqet nga drafti i propozuar për shkencën dhe kërkimin shkencor. Përfaqësuesit e Sindikatës, të thirrur për seancë dëgjimore në Komisionin e Edukimit, thanë se projektligji ka nevojë të rishqyrtohet dhe të rikonsultohet, pasi ndryshe nuk do ta ndihmonte kërkimin shkencor.
“Më mirë të mbyllim sytë sa i përket interesave të gjithsecilit të shohim ligjin slloven dhe t’i bëjmë përshtatjen me kushtet tona. Mendoj se janë mundësitë që ky ligj të tërhiqet për rishqyrtim, mos të kalojë menjëherë në seancë plenare sepse nuk besoj se janë afatet e duhura për të bërë këto korrigjime. Nëse nuk ndodh kjo nuk do të kemi një ligj modern sikurse e kërkon koha dhe me një efekt afatgjatë që mund të krijojë kushte reale për kërkimin shkencor në vend” tha Lulëzim Shuka Kryetar i Sindikatës
Kreu i Sindikatës, Lulzim Shuka e tha hapur se politika duhet t’i mbajë duart larg nga kërkimi shkencor.
“Vlerësimin e veprimtarisë shkencore kërkimore mendoj që nuk ka kapacitet Ministria për ta realizuar. Dhe si e tillë është shumë e rëndësishme që brenda ligjit duke e krahasuar dhe me ligje të tjera të jenë agjensi të tjera faktor të jashtëm për vlerësimin e kërkimit shkencor, pasi edhe sikur ta bënte këtë një raport ministria të vlerësonte kërkimin shkencor me sensin pozitiv do të ishte i pabesueshëm për komunitetin e shkencëtarëve dhe të kërkuesve. Biles Sllovenia ka vlerësues nga shqiptaria që bën vlerësimin e projekteve sllovene të agjensisë kombëtare të Sllovenisë së kërkimit”, u shpreh ai.
Në përgjigje të kritikave zv ministrja përsëriti qëndrimin se sipas ekzekutivit ligji i ri duhet parë si një mundësi dhe promovon shkencën e hapur.
“Ky ligj i ve pikat mbi I dhe flet për shkencën e hapur flet për kërkimin shkencor në dorë të njerëzve. Kjo s’do të thotë se kërkimi shkencor do të ndryshojë do vazhdojë të bëhet në universitete sikur është duke u bërë normalisht. Duke ngritur stekën e kërkimit shkencor i japim dhe vlerën e duhur kërkimit shkencor”
Deputetja socialiste Kushi, në cilësinë e nënkryetares së komisionit, edhe një herë garantoi se do të reflektohen të gjitha shqetësimet, ndërsa më herët Konferencës së Rektore iu angazhua se drafti nuk do të kalonte me shpejtësi, pa konsultim të plotë.
Lajme të tjera
-
PD kundërshton pr.ligjin për kërkimin shkencor, Zhupa: Cënon Kushtetutën! Zhbën titujt e gradave të profesorëve
28 Tetor, 12:19 -
Kërkimi shkencor/ Zhupa: Bie ndesh me Kushtetutën, Shqipëria shkon drejt regresit në fushën e shkencës
18 Tetor, 19:36 -
Konferenca e Rektorëve kundër pr.ligjit për kërkimin shkencor: Cenon autonominë e lirisë akademike! Duhet të rishikohet dhe ligji për arsimin e lartë
14 Tetor, 18:58 -
Pr.ligji për kërkimin shkencor, deputetja Xhixho: Cenohet liria akademike, të ndalet me urgjencë! Rama uzurpator
14 Tetor, 15:55 -
Debate rreth projektligjit “për shkencën dhe kërkimin shkencor! Konferenca e Rektorëve kundër: Cënon autonominë dhe lirinë akademike
14 Tetor, 07:35
-
Pr.ligji për kërkimin shkencor, deputetja Xhixho: Shkel autonominë universitare, të ndalet me urgjencë
13 Tetor, 13:49 -
Qeveria ligj të ri për kërkimin shkencor/ PD: Qeveria po e centralizon! Manastirliu: Nuk preket autonomia e Universiteteve në shkencë
9 Tetor, 16:51 -
Fatos Çoçoli: Koha e duhur për ministri për shkencën
7 Tetor, 08:33
-
Zbulohet drafti, kërkimin shkencor do ta drejtojë qeveria! Këshilli kombëtar për shkencën, drejtohet nga kryeministri
5 Tetor, 16:45
