POP 5

Lajmet më të lexuara të 5 minutave të fundit

Arkiva

Këshilli në Shkodër, për “inat” të
Tomës LSI çon PS në vend të tretë

Të majtën nuk po gjejnë qetësinë e duhur në kryeqendrën e Veriut, në bashkinë e Shkodrës dhe bashkitë e tjera të këtij qarku, pasi përplasjet e shënuara brenda së majtës për shkak të përjashtimit të ish-deputetit socialist Tomë Doshi janë reflektuar dhe në zgjedhjet për këshillat bashkiakë në këtë qark të rëndësishëm. 
Këshilli në Shkodër, për “inat” të<br />Tomës LSI çon PS në vend të tretë
TIRANE - Të majtën nuk po gjejnë qetësinë e duhur në kryeqendrën e Veriut, në bashkinë e Shkodrës dhe bashkitë e tjera të këtij qarku, pasi përplasjet e shënuara brenda së majtës për shkak të përjashtimit të ish-deputetit socialist Tomë Doshi janë reflektuar dhe në zgjedhjet për këshillat bashkiakë në këtë qark të rëndësishëm. Kështu, Lëvizja Socialiste për Integrim e Ilir Metës ka dalë në vend të dytë në qarkun e Shkodrës përsa i përket votave për këshilltarët bashkiakë duke nxjerrë Partinë Socialiste në vendin e tretë, referuar gjithnjë numërimit të votave deri ditën e djeshme.

Përplasja me Metës dhe Doshit dhe akuzat e ndërsjella mes tyre me sa duket nuk kanë dëmtuar LSI, por kanë dëmtuar më shumë PS për këshillat bashkiake por dhe për kandidaten Keti Bazhdari e cila ka humbur me një rezultat shumë të thellë përballë kandidates demokrate Voltana Ademi. Vendin e parë në qarkun Shkodrës porsa i përket mbështetjes për këshillat bashkiakë e mban Partia Demokratike, e cila ka një rezultat deri mbrëmë vonë në kufijtë e 30 përqindshit.

Ndërkohë që LSI dhe PS ndajnë vendin e dytë dhe të tretë me një pikë diferencë, pra me 13 dhe 12 për qind. Ndërkohë që në kryeqendrën e Veriut, PS është parti e dytë për nga mbështetja, ka humbur pikë në bashkinë e Pukës, teksa në kufijtë e 20 përqindshit është PKD e Mark Frrokut, e cila ka bërë dominancën në këtë bashki veriore. Por dhe në bashkinë e Vaut të Dejës demokratët kanë ruajtur mbështetjen, duke mbajtur vendin e parë të ndjekur nga socialistët dhe pas tyre sërish LSI.

E cila pavarësisht mbështetjes që ka pasur kjo baski nga Tomë Doshi nuk ka dalë pa vota, duke tejkaluar 7 për qindshin e mbështetjes për këshillat bashkiakë. Çka tregon se debatet që kanë shpërthyer mes tyre nuk kanë ndikuar aspak në rezultatin e Lëvizjes Socialiste për Integrim në qarkun e Shkodrës, duke marrë mbështetjen maksimale dhe duke nxjerr Partinë Socialiste në koalicion në vendin e tretë për sa i përket votave për këshilltarët bashkiakë.

Ndërkohë që vihet re se partitë e djathta kanë pasur një rritje të konsiderueshme në këtë qark, ku PKD e Mark Frrokut, PDK e Nard Ndokës, AAK e Gjetë Ndojt parti në koalicion me mazhorancën po dhe ballistët, republikanët, FRD e Topit dhe PDS e Milos kanë marrë një mbështetje të fortë në këtë qark, duke i bërë akoma më të larmishëm këshillat bashkiakë me një pjesëmarrje të gjerë të të gjitha partive politike.

Shkrimi u botua në Shqiptarja.com (print) në 24 Qershor 2015

Redaksia Online
(d.a/shqiptarja.com)  

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00