Kimi maniake e perfeksionit
...me komplekse që në pubertet

Kim Kardashian është femra më e fotografuar në planet dhe pjesa më e madhe e fotove janë të shkrepura nga ajo vetë. Por pavarësisht pamjes së saj dhe vetëbesimit të dukshëm në çdo dalje publike, nuk ka qenë gjithnjë kështu.
 
Në fakt, ylli i reality shoë-t “Keeping up ëith the Kardashians”, ka vuajtur pasiguri të shumta gjatë moshës së pubertetit lidhur me paraqitjen e saj.
 
Shoqja e fëmijërisë së Kim Kardashian, stilistja Nikki Lund, ka folur gjatë një interviste për revistën amerikane ‘Heat’ dhe është shprehur se Kim ka qenë gjithnjë e fiksuar me peshën e saj dhe dëshironte të kryente një ndërhyrje estetike në hundë.
 
Në moshën 13-vjeçare, 2 shoqet nisën të ishin më të vetëdijshme për gjërat që dëshironin, filluan të aplikonin makeup dhe mbanin deri dhe dietat më ekstreme për t’u dobësuar.
 
Perfeksioni kërkon sakrifica dhe kush më mirë se Kim Kardashian mund ta provojë këtë.






Redaksia Online
(m.p/Shqiptarja.com)