POP 5

Lajmet më të lexuara të 5 minutave të fundit

Kronikë

“Kokaina e Xibrakës”, Ermal Hoxha dhe Genci Xhixha kërkojnë pafajësi

Rekursi është paraqitur më 19 mars në gjykatën e Lartë dhe sëbashku me nipin e diktatorit Enver Hoxha pafajësi kanë kërkuar praktikisht të gjithë anëtarët e tjerë të bandës
“Kokaina e Xibrakës”, Ermal Hoxha dhe Genci Xhixha kërkojnë pafajësi

Në foto Ermal Hoxha, Genci Xhixha dhe pas tyre laboratori i kokainës i zbuluar në Xibrakë

U dënua 6.8 vite burg për përfshirjen në laboratorin e kokainës në Xibrakë, por Ermal Hoxha ka kërkuar pafajësi në Gjykatën e Lartë. 

Rekursi është paraqitur më 19 mars në gjykatën e Lartë dhe sëbashku me nipin e diktatorit Enver Hoxha pafajësi kanë kërkuar praktikisht të gjithë anëtarët e tjerë të bandës, që nga vëllezërit Klemend dhe Arjan Dalipi, e deri tek Ilir Hyseni, Sajmir Tabaku, Gentjan Gjonaj, Genci Xhixha, dhe kolumbianët Valter Moreno e Cesar Gutierrez.

Kelmend Dalipi u lirua më 8 janar 2018 nga Gjykata e Krimeve të Rënda, për shkak të gjendjes së tij shëndetësore. 

Grupi i drogës "Xibraka" u zbërthye në janar të vitit 2015, gjatë një operacioni të policisë të asistuar nga agjentë të policisë gjermane, ndërsa u sekuestrua sasia rekord e kokainës prej 100 kg.

Droga u gjet në një magazinë në fshatin Xibrakë 10 km larg qytetit të Elbasanit. 

Tetë persona u arrestuan brenda dhe pranë magazinës së drogës, mes tyre dhe kreu i grupit Sajmir Batku, nipi ish-diktatorit Enver Hoxha, Ermal Hoxha dhe dy shtetas kolumbianë. 

Ndërkohë që u shpall në kërkim Genci Xhixha i cili njihet si kreu i një rrjeti të fuqishëm të trafikut të kokainës në Europë dhe më gjerë.  

Xhixha mendohet se strehohet në Kubë, ai u dënua në mungesë me 13 vite burg nga Gjykata e Krimeve të Rënda, të cilat u ulën në 8 vjet nga Gjykata e Apelit.

Apeli e kishte ulur dënimin edhe për Hoxhën dhe anëtarët e tjerë të grupit dhe tani ata kërkojnë pafajësinë. 

Faksimile e rekursit të të dënuarve të bandës së "Xibrakës" në Gjykatën e Lartë

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46