Një ndeshje me dema në Kolumbinë qendrore ka shkaktuar katër viktima dhe më shumë se 300 të plagosur pasi u shemb tribuna. Në stadiumin El Espinal kishte plot spektatorë kur u shemb tribuna dhe për pasojë, një dem u nis drejt turmës. Njerëzit e frikësuar po përpiqeshin të largoheshin nga rrënojat.
Viktima të kësaj ngjarje kanë mbetur dy gra, një burrë dhe një fëmijë. Ndërkohë nga 322 persona që po marrin trajtim mjekësor në spital, 4 prej tyre janë në kujdes intensiv. Ngjarja e së dielës ishte pjesë e festimeve të festivalit popullor San Pedro.
Presidenti në largim Ivan Duque tha se do të kishte një hetim për këtë cështje, ndërsa presidenti i zgjedhur Gustavo Petro u kërkoi zyrtarëve vendas të ndalonin ngjarje të tilla. "U kërkoj kryetarëve të bashkive të mos lejojnë më shumë ngjarje që përfshijnë vdekjen e njerëzve ose kafshëve," tha ai.
Nuk ishte hera e parë që ndodh një aksident i tillë. Në fillim të këtij muaji një person vdiq pasi u godit nga një dem në qytetin e Repelon.
Lajme të tjera
-
VIDEO/ Miqësoret, Hollanda ‘poker’ me Skocinë, Spanja thyhet nga Kolumbia
23 Mars, 09:13 -
U përplas me një autobus, ndërron jetë ‘kolosi’ kolumbian që luajti për Real Madrid
14 Prill 2022, 11:27 -
S'ka Botëror për Maqedoninë e Veriut, Portugalia dhe Polonia presin biletën për në Katar! Trishtim për Kolumbinë dhe Kilin
30 Mars 2022, 11:24 -
Itali/ Trafikonin drogë nga Kolumbia në Torino dhe hashash nga Ballkani, shkatërrohet rrjeti, arrestohen 5 shqiptarë dhe 9 italianë (VIDEO)
4 Mars 2020, 17:49
