Kombëtarja mbyll Europianin 2024/ Asani: Dhamë maksimumin! Ramadani: S'i shfrytëzuam shanset! Laçi: Grupi ishte i vështirë

Kombëtarja shqiptare humbi 0-1 ndaj Spanjës në ndeshjen e tretë dhe të fundit për Grupin B, të Euro 2024, mbrëmjen e  24 qershorit, dhe me vetëm një pikë është zyrtarisht e eliminuar nga "Gjermani 2024".

Pas ndeshjes me Iberikët, çunat e Kombëtares shqiptare kanë garantuar se përgjatë të gjitha ndeshjeve në këtë europian, kanë dhënë maksimumin.

Jasir Asani: Të gjithë lojtarët dhanë maksimumin, shpirtin në fushë. Kjo është një eksperiencë për ne dhe do të vazhdojmë akoma përpara. Është një eksperiencë që nuk harrohet asnjëherë, të shkojmë tutje edhe për në botëror.

LEXO EDHE:
'Minuta Zero'/ Kampionia e kickbox: Tifozët shqiptar kudo janë të parët! Portieria e kombëtares: Në Dortmund policët bënin foto me ne

Nuk ishte pasive, kemi bërë një ndeshje shumë të mirë nuk mund të themi se ishte pasive. Motorët i kemi ndezur që në minutën e parë, por Spanja është ekip shumë i fortë dhe kemi dhënë maksimumin.

Ylber Ramadani: Nuk i shfrytëzuam shanset tona, na mbetet të shikojmë për të ardhmen. Duhet të kishin më shumë pikë.

Qazim Laçi: Grupi ishte shumë i vështirë për ne. Nga ndeshja e parë që nuk e filluam aq mirë, kemi luftuar të gjitha ndeshjet, kështu që duhet me kokën lart pavarësisht rezultatit.

K.M/Shqiptarja.com

TAG:
• gjermani
• qazim laci
• ylber ramadani
• Jasir Asani
• euro 2024
• kombetarja shqiptare