Kombëtarja në Zyrih / Guri: Vendos Panucci nëse luaj; Ndoj: Ëndërr të jesh kuqezi

Skuadra kombëtare e futbollit ka nisur grumbullimin e saj në Zyrih për të përgatitur edhe takimin e parë miqësor me Kosovën që siç është programuar do të luhet në datë 29 maj, ora 20.00 në stadiumin e qytetit të Zyrihut.

Sipas programit sot dolën përpara mediave, futbollistët Sindrit Guri dhe Emanuele Ndoj. Sulmuesi më në formë i kampionatit së bashku me Abazajn, që sezonin e ardhshëm do të luajë me skuadrën e Oostende në Belgjikë, Sidrit Guri, për këtë vlerësim dhe ardhje në kombëtare theksoi:

Ishte një vit i mirë për mua pasi tregova vlerat e mia duke punuar shumë dhe them se e shfrytëzova më së miri momentin tim. Kombëtarja kam bindjen se do të ndikojë për shumë më mirë dhe duhet të japim të gjithë maksimumin këtu.

LEXO EDHE:
Ilir Yzeiri: Teksti i Edi Ramës dhe fshati i madh shqiptar

Në lidhje me kampionatin dhe hyrjet në skuadrën përfaqësuese mendoj se kampionati shqiptar ka një rritje të dukshme, dhe kjo shihet edhe nga prezantimi në Europë i skuadrave si Skënderbeu apo Kukësi.

Si unë, ashtu edhe Abazaj që u transferuam në Belgjikë mendoj se hodhëm hapat e duhur. Në lidhje me një aktivizim të mundshëm në kombëtare? E vendos vetëm trajneri.

Unë jam sulmues dhe dua të luaj në sulm, por në fushë do të jap atë që më kërkon trajneri. Jam i gatshëm të punoj maksimalisht dhe të jap më të mirën time në këtë grumbullim për këto dy miqësore.

Sindrit Guri, futbollist

Ndërsa nga ana e tij Ndoji që aktivizohet me Breshian në Serinë B të Italisë, theksoi:

Të jem këtu me kombëtaren time, është një ëndërr, por nëse do të luaj apo jo, këtë e vendos vetëm trajneri Panucci.

Ne kemi detyrë që të japim më të mirën tonë në fushë. Gjatë sezonit me Breshian kam zhvilluar shumë ndeshje, dhe jemi pak të ngarkuar fizikisht, por do të punojmë shumë këto ditë dhe do të japim maksimumin tonë.

Emanuele Ndoj, futbollist

Skuadra përfaqësuese gjatë ditës së sotme ka në program vetëm një seancë stërvitore. Me grupin e lojtarëve nuk janë bashkuar ende futbollistët e ekipeve të Skënderbeut e Laçit, përkatësisht Lilaj, Gavazaj dhe portieri Selmani të cilët të djelën diskutojnë edhe finalen e Kupës së Shqipërisë. Ata do të jenë në dispozicion të skuadrës dhe trajnerit, ditën e hënë.

TAG:
• emanuele ndoj
• Christian Panucci
• shqiperi-kosove
• sindrit guri

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1484

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq