TIRANË- Kryeministri Edi Rama ka replikuar me komentuesit në rrjetin e tij social Facebook. Komentuesi i ka kujtuar Ramës që Gjykata Kushtetuese nuk e shkarkoi presidentin Ilir Meta, ndërsa shkruan se Gjykata e shpalli vendimin në një kohë që kryeministri Edi Rama iku në Amerikë. Kjo sipas komentuesit është një lojë e Ramës për t'i thënë SHBA-ve që nuk është faji i tij, ndërsa thotë se Rama, Meta, Basha e Berisha i kanë ndarë 'detyrat' sëbashku.
Por, kryeministri Edi Rama ka zgjedhur të mos japë asnjë koment për vendimin e Gjykatës Kushtetuese për të mos shkarkuar Ilir Metën.
Komentuesi: Ja fute Amerikës o trim. Sa ike në Amerikë Gjykata Kushtetuese e shpalli vendimin si për t'i thënë Amerikanëve që nuk është faji im. GJK nga 7 anëtarë, 6 votuan pro, 1 ishte kundra ne naivi që mendoi se reforma në drejtësi po ecën. Ja fute popullit ja fute Amerikës ja fute të gjithëve. I keni ndarë detyrat Meta vjedh, Sala vret, Basha bën sikur bërtet kape hajdutin, dhe ti o trim bën sikur i dënon e bën si i dashuruar me Amerikanët. Bën gjoja sikur jeni dashuruar me reformën në drejtësi dhe fut në burg kokrrat e vogla….Dhe filmi vazhdon. Katërshja bëhet dhe më e pasur, vidh, vrit, bërtit dhe mbro me reformë tre të parët.
Rama: Sharjet, përqeshjet, përgojimet nuk janë argumente, ndërkohë që unë nuk di të bëj gjoja, s’kam ditur kurrë të bëj gjoja me punën time, sepse puna është pasioni im dhe pasion me gjoja nuk ka! Sa për vjedhjet e vrasjet me siguri ke ngatërruar adresë, po kur njeriu nuk e ka mendjen të debatojë, po të denigrojë, e ngatërron edhe adresën njësoj si i dehuri që humbet rrugën.
Unë që ta dish ti dhe kushdo flet me këtë gjuhë, nuk jetoj as për të vjedhur as me të vjedhur, sepse kam shume respekt për emrin që më kanë lënë të paret e mi dhe do t’u lë fëmijëve te mi! Arsyeja pse po të përgjigjem është se unë besoj që çdo komunikimi i duhet dhënë një shans dhe nuk ka arsye për të mos e bërë me njerëzit e zakonshëm që hyjnë e komentojnë këtu, edhe kur e tejkalojnë kufirin etik! Mbase kjo ndihmon, mbase jo, po nga ana ime besoj se në vend se të harxhohen gërma e fjali shqip për të sharë e për të përqeshur, mund të përdoren për të dëgjuar njëri-tjetrin me njërzillëk.
Pas vendimit të Gjykatës Kushtetuese për mos shkarkimin e Presidentit Meta, ka pasur reagime të vakta nga palët politike. Nga mazhoranca deputetët Balla e Spiropali kanë evidentuar faktin se Kushtetuesja ka deklaruar se Presidenti e ka shkelur Kushtetutën por butë e jo rëndë. Sipas Ballës nuk ka shqiptar që nuk mendon se Meta duhej shkarkuar dhe se asgjë nuk e zhbën figurën qesharake të tij në këtë detyrë.
Gjykata Kushtetuesi njoftoi dje vendimin e marrë për Presidentin Meta duke dalë në pëfundimin se Meta nuk ka kryer “shkelje të rënda të Kushtetutës”. Pro shkarkimit të Metës votoi vetëm gjyqtari Altin Binaj, ndërsa 6 gjyqtarët e tjerë, Vitore Tusha, Elsa Toska, Marsida Xhaferllari, Fiona Papajorgji, Përparim Kalo dhe Sonila Bejtja, votuan kundër propozimit të Kuvendit.
Kujtojmë se një prej arsyeve se pse Kuvendi i Shqipërisë kërkoi shkarkimin e Presidentit Ilir Meta ishte edhe një përplasje e këtij të fundit me ambasadoren e Shteteve të Bashkuara në vendin tonë, Yuri Kim. Mazhoranca e konsideroi se cenim të marrëdhënieve me partnerët strategjik këtë veprim të Metës, gjë e cila siç duket nga Gjykata Kushtetuese është konsideruar jo shkele të rëndë.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23
Interesant fakti qe Rama thote se pasioni i tij eshte puna. Mire do ishte te skjaronte se cfare kupton dhe vepron kur flet per "pune"??? Dicka do kete ndodhur ose me ndonje shuplake nga larg ose keshillim i brendshem se KM yne sikur po i zgjedh tanime fjalet ne publik dhe nuk po e zbraz koloritin e folkrlorit te tij te dashur qe tashme ne e shofim dhe degjojme vetem nga binjaku Gjergj Luca.
PërgjigjuNuk qeke gje tjeter vecse una stupida!