POP 5

Lajmet më të lexuara të 5 minutave të fundit

Ekonomi

Kontrolli, KLSH zbulon 21 mln €
abuzime në vitet 2011-2013

Gjatë periudhës janar-prill 2014, Kontrolli i Lartë i Shtetit ka zbuluar abuzime nga administrate shtetërore me një dëm financiar në masën mbi 21 milionë euro.
TIRANE- Gjatë periudhës janar-prill 2014, Kontrolli i Lartë i Shtetit ka zbuluar abuzime nga administrate shtetërore me një dëm financiar në masën mbi 21 milionë euro. Sipas raportit të parë të këtij viti, mësohet se grupet e auditit kanë konstatuar parregullsi dhe shkelje financiare, në të ardhurat dhe në shpenzimet e kryera, me dëm efektiv të përgjithshëm në shumën totale prej 1.8 miliardë lekësh dhe shkelje të disiplinës financiare me ndikim negativ në perfomancën e subjekteve të audituara, në shumën e përgjithshme 1.1 miliardë lekë.

Këto shkelje financiare me dëm efektiv dhe ndikim negativ në performancën e subjekteve të audituar i përkasin veprimtarisë ekonomiko-financiare për periudhën kohore 2011 – 2013. Një dëm ekonomik i madh është konstatuar në ministrinë e Energjetikës lidhur me dhënien e koncesioneve, që llogaritet në 955.7 milionë lekë, nga të cilat 85 milionë lekë si shumë e paarkëtuar nga mosushtrimi i penaliteteve nga Autoriteti Kontraktor për dorëzimin me vonesë të projektzbatimit të kontratave koncesionare për faj të koncesionarit, si dhe 578.4 milionë lekë lekë si shumë e paarkëtuar nga mosushtrimi i  penaliteteve nga Autoriteti Kontraktor për mosrealizimin në afat të investimeve të parashikuara në kontratat koncesionare.

Në sektorin e Tatim-taksave, konstatohet abuzim në projektin “Zhvillimi i rrugëve Bashkiake Tiranë”, në vlerën 7.550.000 lekë, si pasojë e mosmbajtjes dhe mosderdhjes së tatimit në burim në masën 10%, për të ardhurat e përfituara. Po kështu, në Drejtorinë e Tatim - Taksave dhe Tarifave Vendore tëp o kësaj Bashkie, në vlerën 14.247.000 lekë janë detyrimet e papaguara të taksave.
KLSH konstaton në projektin “Mbi menaxhimin e mbetjeve të ngurta të Tiranës”, DPUK Tiranë, në vlerën 48 mi8lionë lekë përfitime të padrejta për punime të pakryera, ku janë raportuar volume më të mëdha se ato të kryera në fakt.

Drejtoria Rajonale Aluizni Elbasan 1 ka abuzim në vlerën 412.6 milionë lekë, si dëm ekonomik nga llogaritja e pasaktë e vlerave të parcelave ndërtimore dhe Drejtoria Rajonale Aluizni, Durrës, në vlerën 93.1 milionë lekë, si dëm ekonomik nga llogaritja më pak e sipërfaqes së truallit, në kundërshtim me VKM përkatës.

Auditet kanë nxjerrë në pah se dëmi si pasojë e shkeljeve të disiplinës financiare nga ana e subjekteve shtetërore të audituara ka qenë në total 1.1 miliardë lekë, ku sërish në Ministrinë e Energjetikës janë zbuluar 947.196.000 lekë shkelje, nga të cilat 387.196.000 lekë nga mosarkëtimi nga shoqëritë e sigurimeve të garancisë së kontratave për koncensionarët që nuk kanë zbatuar kontratat dhe 560.000.000 lekë nga mosarkëtimi i garancisë së kontratës në formë depozite bankare nga një shoqëri.

Shkrimi u botua në Shqiptarja.com (print) në 1 qershor 2014

Redaksia Online
(d.a/shqiptarja.com) 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07